Print this page

Weststar Indonézia Sei Prepara Elikoptru Apoiu Operasaun Servisu Offsour iha Kosta Súl

Diretór Weststar Aviation Indonesia, Suardi M. Panua. Diretór Weststar Aviation Indonesia, Suardi M. Panua. Foto Suplay

Tempotimor (Dili)-Diretór Weststar Aviation Indonesia, Suardi M. Panua hatete, sira-nia parte sei prepara elikoptru atu apoiu ba operasaun Servisu Offsour iha área Kosta Súl nian ne'ebé mak sei organiza husi Oil Kompany ka Empreza Mina Timor-Leste nian.

“West Star Aviation Indonesia nu’udar empreza charter ne'ebé sei prepara elikoptru uainhira Oil Company ou empreza mina sira hahú halo opersaun servisu offsour iha Kosta Súl Timor-Leste no karik ida-ne'e bele akontese iha tinan oin”, dehan nia hafoin remata audénsia ho Prezidente Repúblika (PR), José Ramos Horta, iha Palásiu Prezidensiál Bairopite, kuarta (15/07).

Tanba prezensa West Star Aviatio Indonesia iha Timor-Leste hakarak partisipa hamutuk ho empreza mina sira iha Timor-Leste hodi dezenvolve bussines ka negósiu mina iha Timor-Leste.

Aleinde West Star Aviatio Indonesia iha Timor-Leste mós iha ona hanoin atubele dezenvolve no tulun foinsa’e sira iha Timor-Leste atubele sai hanesan pilotu nomós enjineiru iha área mina.

“West Star Aviatio Indonesia iha komitmentu boot atu tulun fó treinamentu ba joven sira maibé ba dahuluk ami tenke iha uluk lai servisu iha Timor-Leste atu nune’e timoroan sira bele iha oportunidade atu lori aviaun elikoptru ne’ebé empreza iha”, esplika nia.

Iha ne'e West Star Aviatio Indonesia mós hahú halo hela set-up kona-ba atu servisu hamutuk ho empreza nasionál Timoroan nian iha área West star gap aviatoin.

Tanba West Star Aviatio Indonesia antusiazmu los hakarak servisu hamutuk ho empreza timoroan sira no iha Indonézia rasik sira-nia empreza sempre apoiu empreza mina lubuk ida hodi hala’o sira-nia negósiu offsour iha Indonézia.

“Ami so halo de’it charter ba oil company katak ami halo servisu sira espesifiku liu liga ho oil company katak elikoptru ne’ebé empreza iha sei tula de’it traballadór sira husi rai maran ba fatin mina matan por ezemplu husi rai maran ba Bayu Undang”, hatete nia. (*)

Rate this item
(0 votes)
Last modified on Wednesday, 15 June 2022 21:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items