Login to your account

Username *
Password *
Remember Me

Loron rua Pasa Revista, PNTL Dili Prende Motorizada 92

Motirizada ne'ebe PNTL Munisipiu Dili prende para hela iha Komandu PNTL Dili, Kaikoli. Motirizada ne'ebe PNTL Munisipiu Dili prende para hela iha Komandu PNTL Dili, Kaikoli. Foto Suplay

Tempotimor (Dili)-Segundu Komandante Polísia Nasionál Timor-Leste (PNTL) Munisípiu Dili, Superentidente João Sancho Pires hatete, durante loron rua nia laran PNTL halo operasaun konsege prende motorizada hamutuk 92.

“Sim durante loron rua, husi loron 08 to’o 09 fulan-juñu, ita-nia PNTL sira halo operasaun iha kalan, no konsege prende motorizada hamutuk 92”, dehan Superentidente João, iha Komandu Munisípiu Dili, Kaikoli, sábadu (11/06).

Ba atividade operasaun iha kalan ne'e hala’o tanba hetan orintasaun husi komandu Jerál PNTL, nune'e eskuadra haat mak hetan orientasaun hodi halo atividade hamutuk ho Polísia tránzitu sira.

Atividade pasa revista ne’ebé eskuadra eskuadra Dom Aleixo, Na’in-Feto, Vera Crus, no Kristu Rei iha munisípiu Dili no prende motorizada hirak ne'ebé dadaun rai hela iha komandu Munisípiu Dili hodi prosesu tuir lei.

“Motorizada hirak ne'e agora rai iha Komandu Munisípiu Dili, hodi prosesu tuir lei ne'ebé ita implementa, tanba motorizada hirak ne'e balun laiha espellu, laiha kapasete, no balun laiha dokomentu, tanba ne’e ita tenke prosesu tuir lei”, afirma nia.

Ba operasaun kalan ne'e sei kontinua nafatin iha kapitál nasaun atubele asegura sidadaun sira iha sidade Dili bele hakmatek.

“Ita hakarak kontinua nafatin operasaun kalan, tanba ita hakarak sidade Dili ne’e seguru ba ema hotu, se la’e motorizada barrolllu tun sa’e uza kanu resin halo komunidade sira deskansa ladún di'ak”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter