Tuir informasaun ne’ebé www.tempotimor.com asesu iha pájina IPG, kuarta (08/06) katak, iha sosializasaun kona-ba rezultadu peskiza Dezastre Naturál Munisípiu Vikeké iha salaun Administrasaun Minisípiu Vikeké ne’e apresenta husi Felix Jones ho titúlu: Estudu Desastre Naturál (Landslide and Coastal Erosion) Minisípiu Vikeké, Luis Teofilo ho titulu: Estudu Perigu Inundasaun Minisípiu Vikeké Geovanio ho titulu: Seimicidade Regiaun Timor Induz Desatre Naturál.

Sosializasaun ne’ebé halo ho objetivu atu fahe informasaun mapamentu risku jeolojiku sira ne’ebé identifika iha área hirak ne’ebé risku ba dezastre nomós identifika solusaun ka mitigasaun ne’ebé apropriadu ba risku refere.

Tanba rezultadu husi mapamentu ne’e bele sai hanesan informasaun báziku ba planu ordenamentu teritótiu munisípiu nian.

Durante hala’o sosializasaun iha mós sesaun diskusaun, pergunta, sujestaun no rekomendasaun husi partisipante sira ba IPG liuhusi Divisaun Riskus Geologicos no Enghenaria Geologica.

Iha enseramentu ba sosializasaun ne’e IPG fahe mós relatóriu finál no Mapa Risku nian ba Autoridade relevantes sira.

Iha ne’e mós hetan akompañamentu husi Prezidente IPG-IP, Gabriel Aparício no partisipa husi Administradór Munisípiu Vikeké, Januario Soares, Reprezentante PNTL Munisípiu Vikeké, Administrador Postu Administrative sira iha Munisípiu Vikeké, Xefe Sukus sira, Parseiros no Dezenvolvimentu sira. (*)