“Iha tinan kotuk hahú ho bem estar no hasa’e ona sira-nia advensaun ba $10, sira-nia salariu mós aumenta ba 5% tinan oin sa’e aumenta tanba 15-20% depois iha benefisiu sira seluk”, dehan Vise MI Antonio ba Jornalista sira iha Timor Plaza, Maubara Room, segunda (06/06).
Alende ne’e, Polísia Nasionál Timor Leste (PNTL) mós sei menus ekipamentu nomós membru PNTL sei menus inklui sira iha planu atu hadi’a ho di’ak ba oin.
“Ita iha limitasaun oioin hanesan limitasaun ba ekipamentu, kondisaun hela fatin, limitasaun númeru husi ita-nia membru sira, portantu polítika Governu nian mak atu hahú ida ne’e hahú atu hadi’a sira-nia infraestrutura, hahú hadi’a sira-nia bem estar, hahú hadi’a sira-nia ekipamentu tenke hanoin mós hadi’a ba númeru sira ne’ebé mak haree iha limitasaun hela”, hatete nia.
Tanba ne’e, ko’alia ona ho entidade alta husi Minitériu Interior hodi tau matan ba problema sira ne’ebé mak PNTL hasoru iha terrenu.
“Ha’u ko’alia ona sua eselénsia Primeiru Ministru hanesan Ministru Interior atu haree tok postu sira ne’ebé mak eziste kondisaun la di’ak ne’e pelo menus ita bele haree para halo melloramentu, hadi’a, halo reabilitasaun ba postu ne’ebé mak eziste atu nune’e sira la bele hela ho kondisaun ida hanesan ne’e”, dehan nia. (*)