Print this page

UPF Prende Sigaru Ilegál Tonelada 815 iha Fronteira

Komandante Jerál Polísia Nasionál Timor Leste (PNTL), Komisáriu Faustino da Costa. Komandante Jerál Polísia Nasionál Timor Leste (PNTL), Komisáriu Faustino da Costa. Foto Suplay

Tempotimor (Bobonaro)-Komandante Jerál Polísia Nasionál Timor Leste (PNTL), Komisáriu Faustino da Costa hatete, PNTL liuhusi Unidade Patrullamentu Fronteira (UPF) iha tinan 2021 ne'e, konsege prende sigaru ilegál hamutuk tonelada 815 iha fronteira ne'ebé ho intensaun haruka mai Timor-Leste liuhusi dalan ilegál.

“Prende mós sasán oioin hahú husi Gazoel hamutuk litru 3.500, sigaru hamutuk 815 tonelada 1.110 fugete no atividade sira seluk inklui importasaun transporte terrestre ka ekipamentu eletronika sira ne'ebé elesitu mai husi iha Timor-Leste”, informa Komisáriu Faustino da Costa iha nia diskursu ba serimónia lansamentu ba konstrusaun Postu Integradu no postu UPF 2 iha Suku Kova, Administrativu Balibó, Munisípiu Bobonaru, domingo (29/05).

Tanba ne’e, la'ós prende de'it sigaru no sasán sira seluk maibé mós konsege kontrola ema pasajen ilegál sira iha fronteira ho kazu hamutuk 488 maioria sidadaun Timoroan no estranjeiru hamutuk 23.

“Iha tinan 2021 Unidade Patrullamentu Fronteira iha papél aas tebes la'ós de'it iha kontrola de Pasagem ilegál iha fronteira maibé iha mós kontrolu ba Pandemia Covid-19 ninian no kombate ba krime transnasionál halo aprensaun ba ema no sasán iha tinan 2021 mak hamutuk 488 kazu no nasionalidade maioria Timoroan estranjeiru hamutuk 23 pesoál”, dehan nia.

Husi rezultadu hirak ne'e hanesan evidénsia ida katak PNTL liuhusi UPF iha ona misaun ida ne'ebé atribui ba sira ho responsabilidade maske sira mós la sees husi neglijensiaa liliu iha área implementasaun kna’ar no responsabilidade ninian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items