Print this page

Komandante Jerál Klarifika PNTL Aplika Sistema Multipluralizmu Polisiál

Komandante Jerál Polísia Nasionál Timor-Leste (PNTL), Komisáriu Faustino da Costa. Komandante Jerál Polísia Nasionál Timor-Leste (PNTL), Komisáriu Faustino da Costa. Foto Suplay

Tempotimor (Dili)-Komandante Jerál Polísia Nasionál Timor-Leste (PNTL), Komisáriu Faustino da Costa klarifika, iha Timor-Leste lei fó dalan hodi hamosu Polísia Nasionál Servisu Investigasaun Kriminál (PNSIK) nomós Polisia Sientifika Investigasaun (PSIK) tanba adopta sistema multipluralizmu polisiál.

“Lei fó dalan aleinde Polísia Nasionál Servisu Investigasaun Kriminál (PNSIK) iha mós Polísia Sientifika Investigasaun (SIK) iha buat rua ne'ebé mak ita-nia lei iha mai husi Konstitusaun Republika ne’e dalaruma interpreta lolos nee bele dehan katak Timor-Leste adopta aplika sistema multipluralizmu polisiál”, dehan Komisáriu Faustino da Costa iha Sentru Sentru Formasaun Polísia, Komoro, kuarta (25/05).

Tanba lei refere agora dadaun komisaun A no B halo hela diskusaun iha Parlamentu Nasionál maibé la'ós atu halakon.

“Buat ne'e agora iha diskusaun hela agora dadaun komisaun A no B Parlamentu Nasionál diskute, hela la'ós atu halakon maibé agora PNTL mós hola parte hela iha diskusaun lei ne'e, ne'ebé depois ita hein”, hatutan nia.

Bazeia ba servisu entre unidade Polisia Nasionál Servisu Investigasaun Kriminál (PNSIK) iha mós Polísia Sientifika Investigasaun (SIK) dadaun halo hela diskusaun atu haloos servisu iha unidade rua ne'e.

“Ezemlplu ko’alia kona-ba asidente fatal iha ami-nia kompaña iha lei orgánika ne’e hatete asidente ne’ebé rezulta ema mate ne’e PSIK mak investiga, entaun se banhira PSIK halai husi Dili ba Lospalos ou ba to’o Saui ne’e situasaun ida maibé ne’e iha diskusaun nia laran hela”, dehan nia. (*)

Rate this item
(0 votes)
Last modified on Thursday, 26 May 2022 19:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items