“Serimónia Investidura nomós serimónia 20 de Maio ninian iha palásiu Prezidente ninian, komandu PNTL munisípiu Díli, sira hala'o serbisu ho di'ak tebes e serimónia la'o di'ak, ita-nia membru sira ne'ebé ita koloka ita la serbisu remata ita la rejista Insidente boot ruma ne'ebé iha eventu refere”, dehan Komandante Henrique da Costa ba jornalista sira iha nia kna’ar fatin, Kaikoli, segunda (23/05).
Maske akontese asidente tráfiku balun maibé PNTL klasifika ba kazu normál tanba la rezulta ema mate iha momentu serimónia Investidura no 20 de Maio 2022.
“Iha duni asidente tráfiku balun ne'ebé akontese maibé ita klasifika hanesan baibain tanba la rezulta ema ruma mate ita-nia parte tránzitu munisípiu Díli sira responde ho di'ak ida ne'e mak situasan real ne'ebé mak akontese iha períodu serimónia ninian”, afirma nia.
Iha serimónia investidura Prezidente ne'e ekipa seguransa ne'ebé apoiu Komandu Munisípiu Dili mak hanesan, Komandu Jerál, Unidade Espesiál Polísia (UEP), Unidade Polísia Maritima (UPM) hodi garante seguransa eventu nasionál refere. (*)