“Seguransa iha liña fronteira, hahú husi preparasaun ba investidura Prezidente Repúblika José Ramos Horta nian, nune’e mós to’o iha ohin loron selebrasaun restaurasaun independénsia ba dala XX nian, situasaun hothotu iha UPF la’o kontroladu, tanba ita iha kooperasaun servisu ho autoridade lokál sira”, dehan Komandante Unidade Polísia Fronteira (UPF), Euclides Belo, iha Palásiu Prezidente Bairopite, sesta (20/05).
Nune’e mós parseiru Tentara Nasional Indonesia (TNI) ho Hurlei no entidade administrative sira seluk, ne’ebé iha liña fronteira, loron ba loron kombinasaun ativu ba malu, atu servisu hamutuk hodi fó sentidu servi ba komunidade hothotu altaravesa iha liña fronteira.
Tanba hahú iha loron 18 fulan-maiu, anunsia ne’ebé husi Indonézia fó hatene ba UPF katak, sidadaun Timor sira ne’ebé mak atu atravesa ba iha Indonézia la presiza ona tau lori rezultadu PCR, so lori de’it kartaun vasina.
Maibé sidadaun sira tenke vasina mínimu dala rua, tanba ne’e mak UPF apresia tebe-tebes, no sidadaun timoroan ne’ebé mak iha Dili no komemora reaturasaun ba dala-XX ne’e, hatudu katak adultu ona atu kumpre regra hothotu.
“Ha’u hanesan komandante UPF, apela ba ita-nia sidadaun hothotu, tantu foinsa’e no ferik katuk karik atu atravesa ba nasaun seluk tenke respeita dignidade soberania nasaun nian”, hatete nia.
Portaun boot iha mota ain, mota ida iha mota masin no portaun boot ida iha Oesiliu ho portaun boot ida iha sakato no portaun boot ida iha Citrana, la bele hakat liuba dut laran no la bele hakat liuba ai laran, atu la bele hatudu hanesan tama ilegál, ema husi sidadaun Indonézia ka Timoroan, hakat liuhusi ema nia nasaun la liuhusi dala legál.
“Tanba ne’e, komerasaun loron restaun idependénsia ne’e, ha’u hanesan komandu UPF, koordena ho komandu Munisípiu tolu, hanesan Bobonaru, Covalima-Suai no RAEOA no sidadaun sira hotu, ne’ebé mak atu ba ema nian nasaun ne’e tenke liu dalan legál maibé la bele liuhusi dalan ilegál”, apela nia.
Kona efetivu ne’e, segredu operasaun PNTL nian, polísia servisu hamutuk ho entidade hotu inklui mós komunidade, atu garante liña fronte ba ema hothotu
Maske membru UPF mínimu maibé iha komikasaun ativu no polisiál no entidade hothotu hodi asegura seguransa iha fronteira. (*)