Login to your account

Username *
Password *
Remember Me

UPF Kongratula Prezidente Repúblika ba Periodu 2022-2027

Komandante Unidade Polísia Fronteira (UPF), Euclides Belo. Komandante Unidade Polísia Fronteira (UPF), Euclides Belo. Foto Suplay

Tempotimor (Dili)-Polísia Nasionál Timor-Leste (PNTL) liuhusi Unidade Polísia Fronteira (UPF) kongatula Prezidente Repúblika, José Ramos Horta, ne’ebé mak foin simu pose hanesan Prezidente Repúblika ba períodu 2022-2027.

Komandante Unidade Polísia Fronteira (UPF), Euclides Belo hatete, Prezidente Repúblika José Ramos Horta, foin mak simu pose iha loron (19/05) hodi asume xefe Estadu ba tinan lima.

“Tanba ne’e, ami Membru UPF tomak, hato’o ami-nia parabéns ba Prezidente Repúblika, José Ramos Horta ne’ebé mak foin simu pose iha loron (19/05), atu nune’e sai aman ba nasaun iha ita rai, durante iha nian mandatu tinan lima nian laran”, dehan Komandante UPF, Euclides, hafoin selebrasaun loron restaurasaun indepedénsia ba dala XX iha Palásiu Prezidensiál Bairopite, sesta (20/05).

Ba Parte UPF hanesan sidadaun no hanesan Polísia Nasionál Timor-Leste, sente orgullu ba komemorasaun ba loron independénsia ba dala XX.

“Ita hothotu hatene katak, serimónia ida ohin ne’e, ita selebra loron restaurasaun independénsia, no loron ne’ebé mak importante tebes ba ita povu tomak, tanba ne’e mak kada tinan-tinan ita sempre komemora iha loron 20 Maiu”, afirma nia.

Iha restaurasaun ida ne’e, parte husi UPF mós halo seguransa ba bainaka husi viziñu Timor-Leste nian, mak hanesan eis Bupati Belu nomós governadór DNTT Kupaun, Vitor Bungtilu Laiskodat ne’ebé mak partisipa iha serimónia ne’e.

“Ha’u sente kontente, tanba selebrasaun restaurasaun independénsia ne’e, ema bainaka husi rai liu mós mai partisipa hotu, tanba ami-nia parte sente orgullu ba ida ne’e”, deklara nia.

Iha selebrasaun ne’e, parte hothotu, hanesan PNTL, F-FDTL, autoridade lokál sira no sidadaun tomak tenke fó liman ba malu, hodi asegura seguransa, atu nune’e iha serimónia ne’e la’o ho di’ak.

“Ita selebra Timor nian indepedénsia ne’e, ita tenke servisu hamutuk, nune’e mós ho moto ida ne’ebé mak ha’u lori husi Dili ba fronteira katak, ita servisu hamutuk foin garante liña fronteira sai fatin seguru ba ema hotu iha ita-nia rai”, afirma nia.

Bainhira Timor-Leste fó konvite ba ema bainaka husi nasaun seluk atu mai partisipa serimónia ne’e, parte husi Timor-Leste mós tenke halo seguransa di’ak, atu hatudu ba ema husi li’ur hodi haree.

“Iha serimónia ne’e mós, ita konvida ema bainaka husi li’ur entaun, ita tenke halo seguransa ne’ebé mak di’ak iha ita-nia rai, tanba ne’e ami parte mós simu konvite katak bainaka husi li’ur mós mai, entaun ita tenke prontu nafatin para bele kolabora no koopera para serimónia ne’e la’o ho di’ak”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter