Login to your account

Username *
Password *
Remember Me

SEPS Apoiu Formasaun Prevensaun Konflitu ba Estudante Sira

Diresaun Nasionál Prevensaun Konflitu Komunitariu (DNPKK). Diresaun Nasionál Prevensaun Konflitu Komunitariu (DNPKK). Foto Espesial

Tempotimor (Dili)-Sekretária Estadu Protesaun Sivil (SEPS) liuhusi Diresaun Nasionál Prevensaun Konflitu Komunitariu (DNPKK) servisu hamutuk ho Plan Internasionál hodi fó kontinua apoiu formasaun ba estudante no inan aman sira iha eskola Sekundária Sagrada Korasaun de Jesus Bekora Au-Hun.

Diretór Nasionál Prevensaun Konflitu Komunitariu (DNPKK), António Viegas husu, ba inan aman sira hodi kontinua tau matan ba oan sira atu kontinua nafatin proteje nia oan sira husi emosaun sira.

“Programa ne'e importante atu hasa'e ita-boot sira-nia koñesimentu liliu ba inan aman sira atu proteje oan sira redúz emosaun ba oan sira tanba ne'e mak programa ne'e importante”, dehan António Viegas bainhira halo abertura ba formasaun prevensaun konflitu jestaun emosaun protesaun labarik inklui impaktu isin-rua no kaben sedu iha sala de aula iha eskola Sagrada Korasaun de Jesus Bekora, (17/06).

Ba estudante sira atu labele marka parede sira ho simobolu Arte Marisiál no Rituál sira tanba bele hamosu problema iha eskola sira.

“E ba estudante sira ohin ha'u sa'e mai iha eskada nia leten ne'e marka simbolu Arte Mariál sira hanesan 77 no seluk tan, afinál ne'e eskola privadu”, dehan nia.

Tanba ne'e, buat hotu hotu ne'ebé akontese iha mundu ne'e iha buat rua de'it mak di'ak no aat tanba ne'e mak husu ba inan aman sira atu hanorin buat di'ak ba oan sira no oan sira mós tenke aplika buat di'ak iha fatin ne'ebé sira hela.

Adjuntu Diretór Eskola Sagrada Korasaun de Jesus, Candido Belo da Luz, nia parte agradese ba diresaun Nasionál Prevensaun Konflitu Komunitariu (DNPKK) tanba bele fahe materia ba nia estudante sira.

“Eskola Sagrada Korasaun de Jesus Hakarak hato'o benvindu boot sira hotu husi Ekipa ida ne'e ohin ita bele hasoru malu, partilla ita iha ba ita-nia oan sira”, agradese nia.

Maibé adjuntu eskola ne'e husu ba ekipa sira ne'ebé partilla informasaun hirak ne'eba estudante sira ne'e atu hasa'e volume tanba estudante ne'ebé tuir formasaun oituan de'it.

Nune'e husi parte DNPKK promete hela ba profesór no estudante sira katak, sei halo palku ba dame iha eskola refere hodi bele halo prevensaun ba konflitu iha terrenu sira.

Ho formasaun prevensaun konflitu jestaun emosaun protesaun labarik inklui impaktu isin-rua no kaben sedu ne'e, estudante hamutuk 15 hamutuk ho inan no aman sira durante loron rua. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter