“Ha’u hanoin ita sei koloka seguransa ne'ebé másimu para eventu ne'e la'o ho di’ak, seguru no laiha atividade ruma atu turbasaun ba eventu rua ne'e. Alende ne'e mós iha ona PNTL no F-FDTL iha kedan loron 11 fulan ne'e, iha parte PNTL ba halo prevensaun no F-FDTL nian mak planu seguransa, ne'ebé ne'e kordinada atulizadu hothotu ona, kona-ba oinsá atu asegura seremónia boot rua ne'e”, dehan Komandante Jerál Faustino ba jornalista sira hafoin enkontru iha Suai Room, Timor Plaza, kinta (12/05).

Nune'e kolokasau ba seremónia ne'e, tuir nia hanoin ne'e, hotu hatene hela prestaun protokuler ne'e, xefe Governu no tantu membru Governu hatene mós ne'ebé, koordenasaun enkontru atulizasaun Instituisaun rua mós la'o rezensias serbisu, husi sira hato'o no atualiza katak, iha ona konkoordansia no akordu PNTL no F-FDTL kona-ba kolokasaun seguransa.

“Agora parte Tasi nian mak ita hatene katak, ita-nia komponente Naval, maske nia iha rekursu ba ema, maibé prestaun ba transporte ne'e mak PNTL ita fó hela disponibilidade, atu Ró Polísia marítima ne'e, bele ita junta forsa liliu iha seremónia parte Tasi nian. Klaru ita garantia ba ida ne'e, ne'ebé saida mak mosu iha eventu ne'e, ita sei la tolera”, dehan nia.

Iha enkontru ne'e, halo ba komandu sira ne'ebé mak sei envolve iha atividade rua ne'e, hanesan iha loron 19 no 20 fulan-maiu, ne'ebé komandu operasaun durante tempu barak, halo koordenasaun ho Komisaun Organizadora Nasionál, no kontinua atualizasaun kona-ba prepara ona.

“Ne'ebé mak kuaze envolve tiha ona membru sira ho masimu tebes, hahú husi chegadas ou entidades UEP, UPF, to'o UPM, depois seremónia ne'e la'o to'o iha loron 20 de Maio ninian. Entaun objetivu ida ohin ne'e, aprezenta ba komandu sira para bele akompana no kria ona ninia tarefa kolokasaun, tuir saida mak orgaun edukativa no komandu operativu hasai”, hatete nia.

Iha oportunidade ne'e, konvida Vise Ministru, atubele akompaña kona-ba PNTL ninia planu oinsá halo seguransa ba eventu rua ne'e, tantu iha investidura ninian nomós restaurasaun independénsia nian.

“Ba dezafiu mak ita hasoru, ida nafatin seidauk iha lista fixu ou finál, kona-ba entidade ne'ebé mak atu mai, entaun ami nafatin loke hela ami-nia orden de operasaun ne'e, para ita ajusta automatiku para bainhira kuandu iha adisionál ba entidade konvidadu sira ne'ebé mak atu mai”, dehan nia.

Ba kestaun ida ne'e mós implika ba apoiu administrasaun ninian, sei haree katak, númeru ne'ebé mak sa'e, tanba iha PNTL no F-FDTL envolve mós iha parada ne'e, liliu iha loron 20 Maiu. (*)