Login to your account

Username *
Password *
Remember Me

Rekrutamentu Membru Foun PNTL Sei Hein Desizaun PM Taur

Vise Ministru Interior (MI), António Armindo. Vise Ministru Interior (MI), António Armindo. Foto Suplay

Tempotimor (Dili)-Vise Ministru Interior (MI), António Armindo ho Komandu Jerál Polísia Nasionál Timor-Leste (PNTL), Komisáriu Faustino da Costa, aprezenta ona proposta rekrumentu ba membru PNTL foun ba Primeiru Ministru Taur Matan Ruak hanesan Ministru Interior hodi foti desizaun.

Tanba proposta rekrumentu membru PNTL iha tinan 2023 remata ona hein de’it desizaun ikus husi Primeiru Ministru, Taur Matan Ruak.

“Agora buat hotu los ona kona-ba rekrumentu membru PNTL foun iha tinan 2023, tanba ita hein Primeiru Ministru, Taur Matan Ruak atu foti desizaun”, dehan Vise-MI Antonio, iha Timor Plaza, kinta (12/05).

Lista kona-ba rekrumentu membru PNTL foun iha tinan 2023 hamutuk 742, ida ne’e mak proposta husi Komandu Jerál PNTL, maibé rekrumentu nain hira ne’e depende ba Governu mak sei deside.

Prosesu tomak iha ona Gabinete Primeiru Ministru, Taur Matan Ruak nia fatin, tanba tempu duni ona atu halo rekrumentu membru PNTL foun iha tinan 2023.

“Iha duni serteza ona atu halo rekrumentu ba membru PNTL foun iha tinan 2023, maibé hamutuk hira ne'e hein PM Taur mak sei deside”, esplika nia.

Antes ne'e Vise Ministru Interior, Antonio Armindo iha loron 05 fulan-maiu, hala'o sorumutu ho Komandante Jerál Polísia Nasionál Timor-Leste (PNTL), Komisáriu Faustino da Costa, no superior PNTL sira seluk hodi rona aprezentasaun kona-ba rekursu umanu ne'ebé mak komandu enfrenta.

Entretantu iha enkontru ne'e, Komandu Jerál PNTL aprezenta kona-ba efetivu hira mak ativu, no hira mak la ativu, no mate.

Hafoin remata enkontru Vise Ministrun Interior, Antonio Armindo informa, enkontru ida ne'e atu halo aprezentasaun ba efetivu iha teritóriu tomak, no iha futuru persiza halo rekrutamentu ba efetivu foun.

“Tanba ne'e bazeia ba orientasaun husi Primeiru Ministru hanesan mós Ministru Interior ne'ebé mak haruka mai ha'u komunika ho komandu halo netik aprezentasaun dadus ruma atu nune'e ha'u rasik sei lori ba aprezenta ba sua eselénsia Ministru Interior atu nune'e haree tok iha posibilidade tinan oin halo rekrutamentu ka la'e”, dehan nia.

Tanba ne'e, preparaparasaun dokumentus no dadus sira hotu ona no dadaun ne'e hein de'it desizaun husi PM.

Tuir dadus, membru PNTL hamutuk efetivu na’in-31 mak iha tinan 2021 lakon vida, no tinan 2022 ne'e foin tama fulan neen na’in-11 mate tan.

“Ita persiza halo rekrutamentu ne'e importante loos, tanba ne'e ita sei halo rekrutamentu hamutuk 720, atu troka sira ne'ebé tama ona ba idade reforma ba vida sivil no sira ne'ebé mak moras difisiente mentál, no fizika nune'e bele priense filafali númeru sira ne'e”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter