Login to your account

Username *
Password *
Remember Me

VMI Sei Aprezenta Dadus Rekrutamentu PNTL 720 ba PM Taur

Vise Ministru Interiór (VMI), António Armindo. Vise Ministru Interiór (VMI), António Armindo. Foto Suplay

Tempotimor (Díli)-Vise Ministru Interiór (VMI), António Armindo hatete, iha semana oin sei aprezenta dadus rekrutamentu Polísia Nasionál Timor Leste hamutuk 720 ba Primeiru Ministru (PM), Taur Matan Ruak hodi halo aprovasaun.

“Semana oin, ha'u sei aprezenta dadus para, tinan ne'e pelu menus ita prepara rekruta 720 para alende troka sira ne'ebé mak reforma no sira ne'ebé mak Difisiénsia mental ho Difisiénsia fíziku atu prense filafali sira ne'e. Tanba ne'e agora ita sei lori la'o dokumentu ne'e primeiru Ministru aprova ona mak foin ajusta orsamentu”, dehan António ba jornalista sira iha Komandu Jerál PNTL, Kaikoli, kinta (05/05).

Bainhira hasoru malu ho Primeiru Ministru sei aprezenta mós lei Orgánika Polísia Nasionál Timor-Leste nian hodi haree.

Tuir Orientasaun Primeiru Ministru ba Vise Ministru Interiór katak, molok halo rekrutamentu ba efetivu foun komandu PNTL aprezenta uluk lista PNTL iha territóriu Timór laran tomak.

“Bazeia ba orientasaun Primeiru Ministru (PM), Taur Matan Ruak hanesan Ministru Interiór ne'ebé mak fó mai atu komunika ho komandu para komandu halo netik aprezentasaun dadus ruma atu nune'e ha'u rasik sei aprezenta ba Primeiru Ministru atu nune'e haree to'ok posibilidade ka la’e halo rekrutamentu iha tinan oin tanba desizaun tomak ne'e iha Primeiru Ministru nian tanba ne'e mak ami prepara hela dokumentu ne'e atu nune'e semana oin aprezenta ba Primeiru Ministru”, afirma nia.

Tanba ne'e objetivu Vise Ministru Interior ho Komandu Jerál PNTL halo enkontru ne'e hodi aprezenta dadus efetivu PNTL iha territóriu tomak.

Dadaun ne'e foin aprenzenta de'it dadus efetivu PNTL no rekrutamentu sei halo iha tinan 2023 tanba seidauk iha orsamentu.

“Planu rekrutamentu ne'e sei tinan oin tanba agora ne'e laiha orsamentu”, informa nia. (*)

Rate this item
(0 votes)
Last modified on Friday, 06 May 2022 09:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter