Print this page

Membru F-FDTL 11 Sei Tuir Kompetisaun ‘Tiru’ iha Darwin

Membru F-FDTL ne'ebe treinu tiru iha Sentru Formasaun no Treinu, Metinaro. Membru F-FDTL ne'ebe treinu tiru iha Sentru Formasaun no Treinu, Metinaro. Foto Suplay

Tempotimor (Dili)-Komandante Centro Formação e Treino (CFT), Koronel Infantária Cesário Salustiano M. Ximenes “Haksolok” hatete, membru FALINTIL-Forsa Defeza Timor-Leste (F-FDTL) na'in-sanulu-resin-ida (11) sei ba tuir kompetisaun Sooting Activity (tiru) iha Darwin, Austrália.

“Dia 13 de Maio sira sei aranka ba Austrália hodi halo preparativu iha ne'ebá durante loron sanulu, sira sei ba halo kompetisaun ho forsa Amérika nian em prinsipalmente infantária Austrália sira iha Darwin”, dehan Coronél Haksolok ba Jornalista sira iha Sentru Formasaun no Treinu, Metinaro kinta (05/05).

Ba membru sira ne’e antes ba Austrália asesór sira husi Militár Austrália apoiu uluk formasaun durante fulan rua nia laran hafoin ba tuir kompetisaun.

Komponente sira ne'e mai husi unidade Polísia Militár (PM), Komponente Terrestre, Komponente Navál, (CAS) komponente Apoiu Servisu no CFT.

“So komponente ida de'it maibé selesaun ne'e mai husi insitituisaun militár ninian, prinsipálmente mai husi Unidade Polísia Militár (PM) mai husi Komponente Terrestre, mai husi komponente Navál, mais CAS komponente Apoiu Servisu no CFT so unidade espesiál iha momentu ne'ebá laiha disponibilidade entaun sira la partisipa tanba momentu ne'e mai membru 25 entaun entre 25 pesoás ne'e sira na'in-sanulu-resin-ida (11) mak prienxe rekézitu entaun fulan rua nia laran sira simu treinamentu liuhusi Asesór Austrália nian ne'ebé agora dadaun iha ita-boot (jornalista) sira-nia oin”, haktuir nia.

Tanba ne’e garante membru sira ne'ebé ba Darwin sei hatudu sira-nia koordenasaun maibé iha problema ida mak kilat ne'ebé uza hodi treinu sei la lori maibé prepara kilat seluk iha Austrália.

“Ha'u iha esperansa tanba durante fulan rua nia laran sira tiru 600 metru sira hitu hotu tiru ho koordenasaun, so ke problema oituan mak ami la lori ami-nia kilat kilat ne'ebé mak ami lori iha Timor ami sei husik hela ami sei ba uza fali ne'ebé ita nia forsa maluk sira prepara iha ne'ebá”, dehan nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items