Tuir Komunikadu ne'ebé www.tenpotimor.com asesu iha pájina ofisiál DNMG katak, durante semana ne'e, anin kontinua hu'u ho velosidade normal-maka'as iha teritóriu nasionál, no anin refere bele influénsia ba iha laloran tasi a'as, prinsipalmente iha rejiaun kosteiras (Kosta norte-súl) inklui RAEOA no Ataúru.
Alende ne'e lori risku ba mak hamosu mota tun, raí halai, bee sae, aí tohar no eletrisidade mate iha rejiaun sira ne'ebé mak identifikadu.
Wainhira Udan no Anin boot husu ba populasaun sira hadook-an nafatin husi fatin risku sira no buka hela iha fatin ne'ebé seguru.
Kazu emerjénsia ruma ka presiza halo evakuasaun, mantein kalma nafatin, evita paniku no halo tuir orientasaun Autoridade Lokál ka Pesoál Protesaun Sivíl ne'ebé besik.
Eventual ne'e akontese tanba hetan influénsia husi sistema meteorolojiku sira ne'ebé estabelese, la-nina, low pressure, MJO no diferensa presaun ne'ebé mak atualmente observa, iha ne'ebé intensifika no impulsiona brisa maritima (fatór lokál). (*)