Komandante PPNTL Munisípiu Díli, Superintendente Xefe Henrique da Costa hatete, dadaun ne'e prepara ona efetivu hodi asegura serimónia sira ne’e.
“Molok tama ba serimónia 20 de Maio komandu Dili iha efetivu 116 ne'ebé atu asegura 20 de Maio sei hatun mós 250 la'ós ba serimónia ne'e de'it maibé ba mós bainaka sira ne'ebé mai husi rai li'ur ne'ebé iha dalaruma iha Ótel presiza asegura no ba sira ne'ebé halo movimentu”, dehan Henrique da Costa ba jornalista sira iha komandu Dili, Kaikoli kinta (28/04).
Dadaun ne'e, PNTL komandu Munisípiu Dili halo ona koordenasaun ho ekipa operasaun nasionál hodi simu orientasaun ruma iha serimónia 20 maiu ba dala XX.
“Komandu Dili halo ona koordenasaun ho operasaun nasionál atubele hetan orientasaun ruma no observasaun ba fatin serimónia ruma iha Tasitolu atubele realiza serimónia 20 de Maio ekipa mós koloka ba sira iha Tasitolu”, afirma nia.
PNTL mós sei halo preparasaun ba estrada terminal Tasitolu nian hodi asegura movimentu transporte sira iha Tasitolu. (*)