‘Primeiru ita haree ita rekursu umanu ne'ebé mak la sufisiente sentru votasaun barak, pois ita hatene katak populasaun iha Dili mós barak eleitór mós barak maibé ita-nia rekursu mak mínimu tebes ida ne'e, ida ne'e nia konsekuénsia halai liuba enerjia membru sira-nia tanba sira serbisu barak no la deskansa no prezudika tebes ba sira-nia saúde”, dehan Henrique da Costa ba jornalista sira, iha Komandu Jerál PNTL, Kaikoli, kinta (28/04).
Tanba ne'e, Komando halo ona planu bainhira akontese eleisaun parlamentár nia aparte sei husu tan PNTL husi Komandu Jerál hodi apoiu ba eleisaun parlamentár ne'ebé sei realiza iha tinan 2023.
“Ita simu informasaun husi komandante eskuadra nomós seksaun sira kona-ba PNTL nia frakeza hirak ne'ebé mak bainhira ita hala'o seguransa hetan iha tempu kampaña nomós eleisaun atu nune'e ita hadi'a ida ne'e hodi nune'e ba eleisaun parlamentár hodi bele fornese seguransa ne'ebé mak di'ak liután”, akresenta nia.
Iha tan rezultadu avaliasaun seluk, mak koordenasaun entre Polísia STAE no CNE seidauk inklui mós líder komunitáriu sira presiza enkontru hodi foti medida balun bainhira mosu problema ruma iha eleisaun nian.
“Depois ita identifika ita-nia problema transporte ne'e iha, loos duni katak, ita hetan apoiu duni husi komandu, karreta ajuda ba ita balun ita aluga, maibé la sufisiente ba eskuadra”, afirma nia. (*)