Login to your account

Username *
Password *
Remember Me

PNTL Kaptura Autór Planu Baku Rahun Bus Manatutu no Lospalos

Portavóz Komandu Jerál PNTL, Superintendente Xefe, Armando Monteiro. Portavóz Komandu Jerál PNTL, Superintendente Xefe, Armando Monteiro. Foto Suplay

Tempotimor (Díli)-Portavóz Komandu Jerál PNTL, Superintendente Xefe Armando Monteiro hatete, PNTL liuhusi servísu relasaun públika konsege kaputra ona autór prinsipál na'in-rua ne’ebé mak lansa ajitasaun áudio iha mídia sosiál liliu WhatsApp katak, sei baku rahun Bus diresaun Manatutu no Lospalos.

"Ohin dadersan ita identifika no lokaliza autór prinsipál ne'ebé mak durante ne'e lansa propaganda iha rede sosiál ida ne'e no kaputra iha Hali Dollar Hera, Kristu Rei, Díli”, dehan nia liahuis Konferensia Imprensa iha Komando Jerál PNTL Kaikoli, sábadu (23/04).

Bazeia ba ajitasaun ne'e atu halo atakasaun ba movimentu Transporte Munisípiu rua mak hanesan Manatutu no Lospalos tanba ne'e PNTL Intensiva ninia operasaun no konsege kaputra ona autór na’in-rua no lima seluk identifika ona.

"Suspeitu no autór prinsipál ne'e ne'e na’in-rua no na'in-lima seluk PNTL identifika tiha ona no ita kontinua operasaun hodi kaptura no submete ba investigasaun”, afirma nia.

Ajitasaun atu baku rahun karreta Bus diresaun Manatutu ho Lospalos tanba iha bazeia ba eleisaun prezidensiál ne'ebé mak Kandidatu Francisco Guterres ‘Lú Olo’, la konsege manán iha Munisípiu rua refere.

Maske akontese ajitasuan no propaganda oioin maibé, Komandu PNTL kontinua apela ba sidadaun hotu atu labele pániku maibé kontinua fó konfiansa ba autoridade seguransa ne'ebé mak besik hela komunidade sira.

Grupu balun lansa no halo ajitasaun iha rede sosiál ne'ebé mak espalla hela iha públiku no komunidade enjeral iha Timor-Leste.

Aledne nia mós husu ba autoridade lokál tenke informa ba seguransa liliu PNTL bainhira iha ema ka grupu balun ne'ebé mak tenta kria instabilidade iha rai ida ne'e.

"Autoridade tenke informa krime ne'ebé mak kria tenta instabilidade seguransa iha ita-nia povu ho rai ida ne'e informa lalais hodi nune'e PNTL ho autoridade do estadu tomak hola medida preventivu ou represivu imediata”, informa nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter