Iha inaugurasaun ne'e, Xefe Estadu ne'e husu ba membru F-FDTL sira ne'ebé mak sei koloka iha alojamentu ne'e tenke uza ho responsabilidade no kuidadu.
“Ha'u mós hakarak fó mensajen ba unidade de apoiu ba kuartel Jenerál ne'e katak, uza ho responsabilidade uza ho sensu ho hanoin katak ne'e atu halo katak ho serka”, dehan nia ba jornalista sira hafoin halo inaugurasaun iha Kuartel Jenerál Fatuhada, sesta (22/04).
Ho kriasaun alojamentu ne’e, presiza duni ba akipa Apoiu Kuartel Jenerál tanba durante ne'e la iha fatin, nune'e membru F-FDTL sira durante hela de'it iha uma ida iha palásiu prezidensiál nia kotuk.
Iha ne’e apresia no parabéniza ba Ekipa enjeñaria ne'ebé mak halo konstrusaun ba alojamentu ba apoiu Kuartel Jenerál Fatuhada ne'e.
Ofisiál Infraestrutura, Tenente José Monteiro hatete, konstrusaun ba alojamentu ne'e uza orsamentu estadu montante $40.679.03 ho nia durasaun fulan neen (6).
“Konstrusaun ida ne'e alojamentu, preparasaun unidade apoiu Kuartel Jenerál ninian, durante iha nia orsamentu ne'ebé ezekuta, kria obra fabrikasaun kontentór ne'e liuhusi orsamentu ne'ebé alokadu liuhusi repartisaun aprivizionamentu ne'ebé kompaña ida mak manán duni nune'e ami konstrui obra ida ne'e, orsamentu totál ne'e hamutuk $40.679.03”, esplika nia. (*)