“Sira mai ho Ró husi Indonézia no sira-nia intesaun ne’e atu ba Austrália buka sebisu iha Austrália maibé sira tama fali mai tasi Timor, ita-nia SNI simu informasaun entaun sira halo kedan detensaun ba ema na’in-tolu ne'e hodi halo identifiksaun ba sira”, dehan Vise-MI Antonio Armindo, iha kna’ar fatin, Vilaverde, sesta (22/04).
Dadaun ne’e, sidadaun na’in-tolu ne’e ho inisiál PA, IR no WY presta deklasaun ona iha Servisu Migrasaun, hafoin bele koordena ho Embaixa Indonézia iha Dili ba prosesu tuir mai.
“Ohin ita nia SNI sira, lori sidadaun nain tolu ne’e mai iha Servisu Migrasaun hodi sira presta deklarasaun tuir lei migrasaun nian depois de ida ne’e maka ita sei kordena ho Embaixada Indonézia hodi deporta sira”, esplika nia.
Ba kazu ne'e akontese iha loron kinta (21/04) maizomenus tuku 12:00 meudia bainhira SNI simu informasaun husi komunidade área Dolokoan nian katak sidadaun Indonézia na’in-tolu ho Ró iha hela área tasi Timor laran. (*)