Print this page

PNTL Baukau Detein Na'in-2 Komete Kazu iha Eleisaun Segunda Volta

Komadante PNTL Munísipiu Baukau, Superintendente António De Sá, ko'alia hela ba mídia iha HoREX Baukau, kinta (21/04). Komadante PNTL Munísipiu Baukau, Superintendente António De Sá, ko'alia hela ba mídia iha HoREX Baukau, kinta (21/04). Foto Tomas Freitas

Tempotimor (Baukau)-Komandu Polísia Nasionál Timor-Leste (PNTL) Munísipiu Baukau detein sidadaun na'in-2 iha sela durante oras 72, tanba komete kazu krime eleitóral iha eleisaun prezidénsial segundu volta.  

Komadante komandu PNTL Munísipiu Baukau, Superintendente António De Sá, relata, kazu iha indikasaun krimi eleitóral, nune’e halo detensaun hafoin submete ba Tribunál Distritál Baukau.

"Dadaun iha komandu Munísipiu suspeitu na'in-2 mak ita detein iha ne'eba, ligadu ho kazu sira ba vota indikasaun kona-ba krime eleitóral nian, entaun ita foti kedas, tanba iha hela natureza fraglante deletu, entaun ita kaptura lori mai agora iha hela sela, detensaun 72 oras depois ita lori ba Tribunál," dehan nia iha HoREX, kinta (21/04).

Identidade husi suspeitu na'in-2, komandu PNTL Munísipiu Baukau seidauk bele fó sai ba públika, maibé atu públika hafoin konklui prosesu investigasaun.

Enkuantu situasaun prosesu kampaña ba eleisaun prezidénsial segundu volta nian iha Munísipiu Baukau la'o kontroladu, tanba hetan kolaborasaun masimu husi komunidade. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items