Login to your account

Username *
Password *
Remember Me

PNTL Rejista Ona Krime Eleitorál Sunu Uma no Baku Rahun Karreta

Komandante Jerál Polísia Nasionál Timor-Leste (PNTL), Komisáriu Faustino da Costa. Komandante Jerál Polísia Nasionál Timor-Leste (PNTL), Komisáriu Faustino da Costa. Foto Suplay

Tempotimor (Dili)-Komandante Jerál Polísia Nasionál Timor-Leste (PNTL), Komisáriu Faustino da Costa hatete, dadauk komandu PNTL rejista ona krime eleitorál boot rua kona-ba sunu uma no baku rahun karreta ida husi PNTL iha períodu eleisaun prezidente repúblika segunda volta loron 19 fulan-abril.

“PNTL rejista kazu boot rua hanesan iha Vikeké PNTL nia karreta mak rahun no Oekussi nian uma ida mak hetan sunu”, dehan nia hafoin finaliza enkontru semanál ho Prezidente Repúblika (PR), Francisco Guterres ‘Lú Olo’, iha Palásiu Prezidensiál Nicolau Lobato, Bairropite, kinta (21/04).

Kazu Krime eleitorál ne'e, bele halo separasaun ba buat rua, ida mak tempu kampaña eleitorál segunda volta nian, ne'e PNTL rejista kazu hamutuk lima, ne'ebé tama kategória ba krime eleitorál.

Maibé ba ida seluk mak kazu boot rua ne'ebé akontese bainhira sira ativu tuir hela votasaun baku rahun karreta polísia nian iha Munisípiu Vikeké, inklui kazu ida tán mak sira sunu komunidade ida ninia uma iha Oekussi, bainhira eleisaun hotu.

Ba eleisaun segunda volta, parte Polísia mós mantein seguransa hodi asegura, nune'e to'o ohin loron situasaun iha territóriu nasionál ne’e la’o normál maske mosu krime ida ka rua.

Dadauk PNTL mós halo hela koordenasaun ho órgaun eleitorál hanesan Komisaun Nasionál ba Eleisaun sira (CNE) ho krime seluk hodi kontinua investiga atu rekolla evidénsia no nia prosesu daudaun ne’e la’o hela, hafoin haruka ba Ministéiru Públiku nu’udar na’in ba asaun penál hodi loke prosesu tuir mai.

Tanba ne'e, husu povu Timor-Leste tomak nafatin hakmatek hodi kria pás no estabilidade, simu rezultadu eleisaun ne’ebé mak iha. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter