“Liga ba informasaun katak ema sei lori sasán kro’at, halo ida ne’e, halo ida ne’ebá, entaun ita halo hela operasaun ne’e, inklui haree mós dokumentu ba transporte sira, tanba ne'e mak ita-nia nia alvu ne'e haree liubá sasán kro’at, tanba iha informasaun ne’ebé espalla katak, deskonfia ema ka grupu balu mak utiliza sasán kro’at hodi halo movimentu ba mai iha Dili”, dehan Komandante PNTL Munisípiu Díli, Superintendente Xefe Henrique da Costa, iha Komandu Munisípiu Dili, Kinta (21/04).
Tanba ne'e, nafatin husu ba komunidade sira ne’ebé karik hetan ka koñese ema ruma ne’ebé lansa informasaun oioin iha mídia sosiál ho liafuan kro’at, bele informa direta ba parte PNTL hodi foti medida sira tuir lei.
“Iha média sosiál mak ita-boot sira hetan, ema ruma lansa informasaun oioin ho liafuan kro’at karik, bele informa direta ba parte PNTL nune'e ita bele foti medida tuir lei haruka”, deklara nia. (*)