Tuir informasun ne’ebé www.tempotimor.com rekolla husi Komunidade Armindo Guimarães katak, uda ne’ebé monu iha tempu lokraik konsege hamonu uma ida ne’ebé hari’i besik iha mota ibun.
“Dezastre Naturál tanba udan monu rai kuaze horas 1 ho balun fó impaktu ba uma ida atu monu ba mota laran hodi hanehan no halo tohar kanu Distribuisaun Bee-moos iha Aldeia Bemoris (Ponte Sikal), Suku Fuiloru, Postu Administrativu Lospalos, Munisípiu Lautein”, informa nia, iha sesta (15/04).
Ho uma ne’ebé monu konsege halo kanu distribuisaun bee-moos kuak hodi difikulta komunidade sira atubele asesu bee-moos ba nesesidade loroloron.
“Husu ba parte Bee Timor-Leste, empreza públika (BTL-EP) atubele mai hadi’a no normaliza kanu distribuisaun bee-moos ba komunidade”, afirma nia. (*)