Print this page

PNTL Baukau Durante Fulan-3 Rekolla US$3.608 ba Kofre Estadu

Komandante Komandu PNTL Baukau, Superintendente António De Sá, ko'alia hela ba mídia iha kna'ar fatin, sesta (08/04). Komandante Komandu PNTL Baukau, Superintendente António De Sá, ko'alia hela ba mídia iha kna'ar fatin, sesta (08/04). Foto Tomas Freitas

Tempotimor (Baukau)-Komandu Polísia Nasionál Timor-Leste (PNTL) liuhusi seksaun Polísia Tranzitu (PolTraz) Baukau, durante fulan-tolu, ínisiu fulan-janeiru to'o marsu tinan-2022, rekolla ona reseita rihun US$3.608.00 ba kofre estadu.

"Koima ne'ebé ita aplika ba sira husi Janeiru to'o mai Marsu ne'e, $3.608.00 balun uza kanuresin balun la uza kapaseti, balun laiha dokumentus buat sira ne'e hotu," dehan Komandante Komandu PNTL Baukau, Superintendente António De Sá iha kna'ar fatin, sesta (08/04).

PNTL Baukau liuhusu seksaun Polísia Tranzitu (Poltraz) Baukau, hamutuk ho Diresaun Transporte Terrestre (DTT) Baukau kontinua sosializa lei kodigu estrada ba motorista hotu iha Munísipiu Baukau.

"Uza transporte tenke dokumentu kompletu, tanba Polísia  halo chek point sira ne'e, balun la uza kapaseti, balun dokumetus laiha balun uza transposte ho kondisaun lanu," nia hatete

Nune'e, uza motor tenke lori dokumetus kompletu, uza kapaseti, inklui halo viajen ho transporte la bele kondisaun lanu.

"Aktividade ne'e rutiña, ita halo chek point kontiua hala'o, tanba ne'e servisu Polísia, la'os iha kampaña de'it, maibé atividade reguler ita halo nafatin," nia akresenta

Enkuantu PNTL Baukau, inisiu fulan-janeiru to'o marsu tinan-2022, rejistu númeru asidente trafiku hamutuk 33 infrasaun husi tempu kampaña no eleisaun Prezidénsial nian.

Motor uza kanuresin viola kodigu estrada ne'ebé PNTL Baukau halo apreesaun hamutuk 7, inklui kanuresin ne'ebé Poltraz sobu hamutuk 11. (*)

Rate this item
(0 votes)
Last modified on Friday, 08 April 2022 15:44
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items