Login to your account

Username *
Password *
Remember Me

SEPS Hakarak Ajente Protesaun Sivíl Garantia Sidadaun Husi Dezastre

Prezidente Autoridade Protesaun Sivíl, Ismael Babo. Prezidente Autoridade Protesaun Sivíl, Ismael Babo. Foto Suplay

Tempotimor (Díli)-Sekretária Estadu Protesaun Sivíl liuhusi Prezidente Autoridade Protesaun Sivíl, Ismael Babo, husu ba entidade ajente isra atu servisu hamutuk hodi proteje sidadaun sira-nia vida iha situasaun dezastre.

“Atu garantia protesaun sivíl servisu di'ak ba oin, importante mak populasaun tomak, Estadu no entidade tomak, setór privadu no públiku servisu hamutuk atubele garantia no proteje ita-nia sidadaun sira-nia vida iha situasaun dezastre liuliu iha situasaun grave tomak, ba oin iha haree atu reforsa serbisu protesaun sivíl nian ne'ebé sei estabelese iha territóriu nasionál”, dehan Babo ba jornalista sira iha Ótel Timor, tersa (05/04).

Husu kooperasaun ne'e, atu Garantia Dezastre sira husi sékulu sira ne'ebé identifika ona mak prevensaun, responde dezastre no rekopera sidadaun sira-nia vida dezastre ba normál

“Autoridade protesaun sivíl nia servisu ho entidades tomak, setór privadu, no entidade tomak hotu ne'ebé mak iha sai ajente protesaun sivíl e mós autoridade lokál xave importante para mobiliza ita-nia populasaun sira liliu atu garantia ba sikulu dezastre, sikulu ne'e iha tolu, ida mak prevensaun, ida mak dezastre ne'ebé ita haree hodi responde no ida mak rekopera para filafali ba ita-nia sidadaun ba vida normál ne'e depois dezastre ne'e”, afirma nia.

Ba servisu protesaun sivíl ne'e importante husi pertenente rua seluk defeza nasionál seguransa interna atu garantia komplementa malu liuhusi garantia sistema seguransa ba lei seguransa nasionál.

Tanba Autoridade Protesaun Sivil mak entidade ezekutiva iha ámbitu nasionál ne'ebé regula atividade sira protesaun sivíl nian, no ninia prezidente atuál hanesan pontu fokál ba ligasaun ho nível polítiku no sei halo jestaun operasionál, administrativu lojistika no finanseira ba sistema protesaun sivíl tomak.

Antes ne'e, Konsellu Ministrus aprova projetu rezolusaun Governu nian hodi nomeia Superintendente Ismael da Costa Babo sai Prezidente Autoridade Protesaun Sivíl nian iha rejime komisaun servisu ba periodu tinan haat (4).

Projetu rezolusaun Governu nian ne'e aprezenta husi Ministru Interior no atual Primeiru Ministru (PM), Taur Matan Ruak, no Sekretáriu Estadu Protesaun Sivíl, Joaquim José Gusmão dos Reis Martins.

“Konsellu Ministru aprova ona projetu rezolusaun Governu nian hodi nomeia Ismael da Costa Babo, nu'udar Prezidente Autoridade Protesaun Sivil nian iha rejime komisaun servisu ba períodu tinan haat”, dehan Ministru Prezidensia Konsellu Ministru Interinu, Rui Gomes. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter