“Mesajen mak ida ne'e, dehan katak mantein forsa sira ne'e, ho neutralidade, professional”, hatete Xefe Estadu Maior Falintil-Forsa Defeza Timor-Leste (F-FDTL), Tenente Jenerál Falur Rate Laek hafoin simu mensajen husi Prezidente Repúblika iha Palásiu Prezidensiál, Bairopite, kuarta (30/3).

Ba mensajen ne'e, liga mós ho prezensa F-FDTL nian durante iha kampaña eleitorál, Forsa sira ba hola partisipasaun iha seguransa externa, tanba bazeia ba dirativa polítika husi Ministériu nian.

“Ohin, Prezidente husu ha'u dehan la'e, ha’u halo ha'u-nia dirativa komandu nian bazeia ba derativa polítika husi Ministériu nian mai, mak ha'u-nia partisipasaun ne'e ba seguransa externa”, esplika nia.

Tanba ne'e, nia parte fó hatene ona ba Komisiáriu PNTL, Faustino da Costa, ko'alia kona-ba seguransa, ne'e laiha forsa ida mak ba tau iha seguransa.

"Foin dadauk halo kampaña tun sa'e iha eleisaun prezidensiál ne'e, ami halo seguransa extera de'it, kazu ami hetan kampaña krime falagrante-delitu, ami bele aborda e depois pasa automatikamente ba ajente seguransa sira husi polísia para hala'o ninia prosesu”, dehan nia.

Maibé partisipasaun forsa nian retira ona, tanba ida-idak iha ninia área responsabilidade, hanesan komponente sira tama iha ne'ebé ho destakamentu sira tama ida ne'ebé, responsabilidade ida-idak nian, ne'ebé diretiva ida ne'ebé estadu maior halo.

“Sim kazu ne'e implika orsamentu lojistika tanba ne'e mak ami retira tiha hotu. Kazu kuandu komesa faila ok, ami ba para fó ami-nia apoiu seguransa externa”, afirma nia. (*)