Login to your account

Username *
Password *
Remember Me

F-FDTL Preokupa Governu Seiduak ‘Bok’ Konstrusaun Portu Naval Hera

Xefe Estadu Maior Falintil-Forsa Defeza Timor-Leste (F-FDTL), Tenente Jenerál Falur Rate Laek. Xefe Estadu Maior Falintil-Forsa Defeza Timor-Leste (F-FDTL), Tenente Jenerál Falur Rate Laek. Foto Suplay

Tempotimor (Dili)-Xefe Estadu Maior Falintil-Forsa Defeza Timor-Leste (F-FDTL), Tenente Jenerál Falur Rate Laek hatete, sira-nia parte preokupa ho konstrusaun Portu Navál Hera ne'ebé to'o agora Govenru seidauk bok prosesu konstrusaun.

“Ne'e preokupasaun forsa armada nian, ne'ebé ohin ha'u hato'o ba Prezidente nu’udar komandante supremu. Parte Austrália sira hadi'a iha Zona B ne'e, sira komesa hadi'a halo ona be reklamasaun ho ateru ba ona leten as ona. Parte ita-nia Governu ne'e seidauk”, dehan Falur hafoin halo enkontru semanál ho Prezidente Repúblika (PR), Francisco Guterres ‘Lú Olo’, iha Palásiu Prezidensiál, Bairopite, kuarta (30/03).

Maske parte Governu nian seidauk finaliza maibé Ministru Defeza mós ko'alia ona katak agora iha ona prosesu konkursu públiku nia laran atu komesa halo.

Ba kestaun ne'e, Tenente Jeneral Falur Rate Laek mós informa ona ba Prezidente Repúblika, nu’udar Komandante Supremu tanba haree katak ponte antigu ida ne'e sei fó risku ba ró rua ne'ebé mak ba para iha ne'eba.

“Porque ita tauk liu ponte ida antigu ne'e, ain sa'e belok tiha ona, tohar dala ida agora, ró ahi rua nia lori tun ba mout to'o tama tasi kidun hotu”, hatete nia.

Kona-ba atu finaliza ponte refere iha tinan 2023 ne'e, nia parte labele ko'alia sai maibé tékniku sira ne'ebé halo prátika kona-ba ida ne'e mak bele ko'alia.

"So prátika mak bele ko'alia, ha’u labele ko’alia, ita dezeña tiha konseitu ba konstrusaun nian ona, mais iha prátika ne'e dalaruma bele iha akontesimentu tsunami ruma mosu fali iha laran, corona virus ruma tama fali iha laran, uma ne'e ita la konsege saida, be teorikamente ema define ne'e atu konklui iha tempu ne'eba atu hala'o buat ruma”, dehan nia.

Maibé rekursu umanu preparadu ona, tanba dadauk membru hamutuk 30-resin mak tuir formasaun (treinu) nomós halo akompañamentu iha Austrália, no espesialidade hothotu sira hetan iha laran.

“Ne'ebé laiha problema, ate porque sira iha ona esperiénsia, basta adaptasaun de'it”, esplika nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter