Desizaun KM liuhusi aprova projetu rezolusaun Governu nian, ne’ebé aprezenta husi Ministru Interior, Taur Matan Ruak no Sekretáriu Estadu Protesaun Sivíl, Joaquim José Gusmão dos Reis Martins, ba nomeiasaun, Diretór Jerál SEPS, Superentidente Polísia Ismael da Costa Babo hodi dezempeña kargu Prezidente Autoridade Protesaun Sivíl nian.
“Iha rejime komisaun servisu ne'e ba períodu tinan haat, sei sura husi data simu pose”, informa Ministru Finansas (MF), Rui Agusto Gomes, iha Palásiu Governu, kuarta (30/03).
Autoridade Protesaun Sivíl mak entidade ezekutiva iha ámbitu nasionál ne’ebé regula atividade sira protesaun sivíl nian no ninia Prezidente atua hanesan pontu fokál ba ligasaun ho nível polítiku no sei halo jestaun operasionál, administrativu-lojístika no finanseira ba Sistema Protesaun Sivíl tomak. (*)