Komandante Tránzitu Munisipiu Dili, Inspetór Domingos Sarmento Gama haktuir, atividade ida ne'e halo ba komunidade la'o ain sira, inklui transporte públiku.

“Ita-nian intensaun sensibilizasaun ida ne'e, mais importante hodi fahe informasaun ba ita-nia sidadaun sira ne'ebé la'o ain, nomós transporte públiku sira, liliu sira ne'ebé uza karreta públiku no privadu sira”, dehan inspetór Domingos, iha Rotunda Prezidnete Nicolau Lobato, Komoro, tersa (29/03).

Tanba motorista transporte publiku no privadu sira sempre viola sinál tránzitu sira ne'ebé mak estabelese ona iha fatitatin.

“Entaun ita-nia misaun, oinsá mak atu introduz no informa ba ita-nia sidadaun sira, para sira bele kumpriende no halo tuir, nune'e mós ema la'o ain sira”, esplika nia.

Ba atividade sensibilizasaun ne'e sei kontinua hodi halo prevensaun ba númeru kazu asidente fatal iha futuru.

Tanba númeru asidente fatal ba tinan kotuk ne'e halakon ema na’in-23, no liuhusi atividade ida ne'e hodi sensabiliza hodi prevene númeru asidente sira.

wainhira iha tinan oin mak númeru asidente tráfiku kontinua sa'e, siknifika sensabilizasaun sei kontinua halo nafatin atubele hamenus númeru asidente.

“Tanba ne'e sei kontinua ho mídia sira hodi bele kopera ho tránzitu hodi bele halo prevensaun ba krime asidente tráfiku sira”, afirma nia. (*)