Login to your account

Username *
Password *
Remember Me

PNTL Seiduak iha Estatutu Reforma, Komandu Husu Membru Kontinua Servisu

Komandante Jerál Polísia Nasionál Timor-Leste (PNTL), Komisáriu Faustino da Costa. Komandante Jerál Polísia Nasionál Timor-Leste (PNTL), Komisáriu Faustino da Costa. Foto Suplay

Tempotimor (Dili)-Komandante Jerál Polísia Nasionál Timor-Leste (PNTL), Komisáriu Faustino da Costa, husu membru ho idade avansadu kontinua servisu iha terenu, tanba estatutu reforma ba membru PNTL sira sediauk iha.

“To’o agora ita seidauk iha lei reforma, laiha estatutu, ne'ebé idade ita-boot sira-nia to’o bainhira mós, ita-boot sira halo lai servisu, komandu laiha kompeténsia neim atu duni sai ita-boot sira katak imi-nia tinan labele ona, hodi halo servisu”, dehan Komisáriu Faustino, iha komandu Jerál, Kaikoli, tersa (29/03).

Mesmu PNTL iha mós kestaun infraestrutura, maibé komandu iha planu katak ba futuru sei loke mós kazernas ba eskuadra munisípiu no postu administrativu, nune'e membru sira bele hela hodi halo servisu, maske sira iha ona kondisaun mínimu iha serbisu fatin.

“Ami iha mehi ida, katak, ba oin iha eskuadra munisípiu no postu administrativu sira mós ita tau netik asrama oan ruma iha ne'ebá, maske ita iha ona kondisaun mínimu iha sira-nia servisu fatin, maibé presiza mós asrama oan ruma para sira ne'ebé husi Uatulari labele ba servisu iha fali iha Uatulari, no husi Railaku labele filafali ba servisu iha Railaku, inklui fatin seluk, maibé mantein de'it iha eskuadra ne'ebé sira servisu ba, ida ne'e mak ita haree hela hamutuk ho ita-nia parseira sira”, informa nia.

Iha parte seluk, komandante PNTL Munisípiu Dili, Superintendente Xefe Henrique da Costa hatete, efetivu membru PNTL iha komandu Dili balun idade avansadu no balun kondisaun moras labele halo servisu ona.

“Ita-nia efetivu membru PNTL hamutuk 529 iha komandu Munisípiu Dili ne’e númeru boot, maibé hela de’it 500 mak halo servisu, tanba sira seluk kondisaun moras la tama servisu no balun tama servisu, maibé idade katuas ona hamrik iha dalan ho idade no moras difísil ba sira atu foti liman halo kontinénsia ba ema boot”, dehan nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter