Login to your account

Username *
Password *
Remember Me

PNTL Hasoru Problema Rua Durante Eleisaun Prezidensiál

Komandante Jerál Polísia Nasionál Timor-Leste (PNTL), Komisáriu Faustino da Costa. Komandante Jerál Polísia Nasionál Timor-Leste (PNTL), Komisáriu Faustino da Costa. Foto Suplay

Tempotimor (Dili)-Komandante Jerál Polísia Nasionál Timor-Leste (PNTL), Komisáriu Faustino da Costa inflorma, durante prosesu eleisaun prezidensiál komandu PNTL hasoru problema rua ne’ebé mosu hanesan kondisaun estrada, no rádiu komunikasaun.

“Ita hotu akompaña que asesu ba sentru votasaun sira ne’e mós movimentu transporte sira iha tempu kampaña sai difikuldade boot, tanba kondisaun estrada liga husi Munisípiu ba munisípiu seluk, liliu ba iha área rurál sira, e iha mós rede komunikasaun la di'ak no kompaña operadór sira ne'e mós dalaruma difikulta tebes oinsá atu fasilita, ita atu atualiza informasaun”, dehan Komisáriu Faustino, hafoin enkontru avaliasaun ba Membru Komandu PNTL Munisípiu 13, iha Timor Plaza, segunda (28/03).

Ba rede komunikasaun ne'e presiza tebes, tanba komunikasaun ne'e meius ida ne'ebé Institutuisaun PNTL iha nu'udar referénsia hodi hetan lalais informasaun atubele atualiza lalais ba entidade sira.

Maske nune'e esforsu komandu nia la'o nafatin hela oinsá atu buka dalan seluk hodi rezolve difikuldade sira ne'ebé PNTL enfrenta, liliu iha eleisaun prezidensiál.

“Ita sei nafatin uza dalan seluk atu ita buka, oinsá para ita haree rádiu komunikasaun balun ne'ebé iha para bele hahú nafatin halo distribuisaun ba sentru votasaun sira, e transporte ne'ebé oferese husi Governu ne'e nafatin di'ak, klaru que  transporte balun kondisaun balun la favorese ba sira para halo movimentu, liliu iha área rurál, maibé ida ne'e mak problema ne'ebe ita iha, tanba kondisaun estrada ne'ebé iha, klima udan ne'ebé iha, la fasil atu asesu ba postu sira ka suku sira liliu iha tranporte sasán sensitivu sira”, deklara nia.

Maske nune'e, Komandu Jerál agradese ba menbru PNTL hotu, ba esforsu tomak ne'ebé halo, hahú husi kampaña to’o iha eleisaun ne'ebé ultrapassa ona iha loron 19 marsu ho di'ak.

“Parabéns ba membru hotu, nomós ba ekipa susesu no kandidatura sira hotu, espera rezultadu ne'ebé sei mai, lori buat di'ak mai ita hotu no ba Timoroan tomak, e kuaze buat hotu la'o di'ak tanba suporta no apoiu másima ema hotu nia”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter