Login to your account

Username *
Password *
Remember Me

PNTL Konsidera Ema Soe Bebé Laiha Responsabiliza Morál

Xefe Gabinete Departamentu Jéneru Komandu Polísia Nasionál Timór-Leste (PNTL), Superintendente Julia da Gama, kous hela bebé Milagrios Soares, ne’ebé komunidade hetan iha Suku Sagadate. Xefe Gabinete Departamentu Jéneru Komandu Polísia Nasionál Timór-Leste (PNTL), Superintendente Julia da Gama, kous hela bebé Milagrios Soares, ne’ebé komunidade hetan iha Suku Sagadate. Foto Suplay

Tempotimor (Dili)-Xefe Gabinete Departamentu Jéneru Komandu Polísia Nasionál Timór-Leste (PNTL), Superintendente Julia da Gama, konsidera ema ne’ebé soe bebé iha Suku Sagadate, Postu Administrativu Laga, Munisípiu Baukau, laiha reponsabilidade morál.

Xefe Gabinete Departamentu Jéneru PNTL, Superintendente Julia da Gama, iha loron kinta (24/03) halo vizita integradu ofisiál ida hamutuk ho Institutu Defeza Direitu Labarik (INDDICA) no VPU (Vulnerable Person Unit) Munisípiu Baukau ba uma PRADET (Psychosocial Recovery and Development in East Timor) Baukau ho objetivu vizita bebé ne’ebé ema deskoñesidu soe no komunidade iha Suku Sagadate, hetan bebé mane ne’e ho kondisaun moris, iha loron segunda (21/03/2022).

Bainhira hetan bebé ne’e, komunidade sira informa kedan ba PNTL eskuadra Laga hodi asegura Bebé refere no lori ba PRADET Baukau hodi hetan protesaun.

Ba aktu ne’e, Komandnate Julia Gama kondena maka’as no husu atu komunidade sira servisu hamutuk ho PNTL hodi buka tuir nafatin inan ne’ebé lakohi responsabiliza bebé.

“Komunidade Laga ne’ebé hetan bebé ne’e sai hanesan grasa Maromak nian, maibé tanba de'it moe hodi estraga bebé, ne’e sala boot no laiha morál nu’udar inan ho aman, tanba ne’e husu nafatin ba komunidade sira karik hetan informasaun ruma ne’ebé ligadu ho bebé nia inan husu atu informa lalais mai polísia”, dehan Julia Gama, liuhusi telefone, kinta (24/03).

Bebé mane ne’ebé komunidade hetan fó ona naran Milagrios Soares, tanba iha siknifika ho grasa Maromak nian mak komunidade Suku Sagadate bele hetan nia ho kondisaun moris.

Tuir Julia Gama, konsekuénsia soe bebé ne’e mai husi moris livre, sexuál livre no moe atu iha oan, tanba ne’e nia parte fó hanoin ba joven feto ho mane katak, wainhira hetan oan labele hanoin uluk estraga, tanba mane laiha responsabilide, maibé tenke tur hamutuk hodi buka nia solusaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter