Maske PNTL hari’i iha tinan 2000, no halo ona tinan 22, maibé iha problema barak mak instituisaun ida ne'e enfrenta, hanesan rekursu umanu, infraestrutura, no fasilidade.

“Kona-ba krime organizadu, tanba dadaun ne'e mundu globozasaun krime organizadu bele akontese lori oras de'it. Ida ne'e hanesan dezafiu ida, agora meius de apoiu la'ós fasil atu detekta”, dehan Komisáriu Faustino, iha serimónia aniversáriu PNTL ba dala-22 iha Sentru Formasaun Polísia, Komoro, domingu (27/03).

Dezafiu seluk mak iha era globalizasaun, liliu iha Timor-Leste interpretasaun demokrasia bele kontrubui mós ba situasaun balun liga ho seguransa ka instabilidade bele mosu, ida ne'e dezafiu ida.

“Se ita ko'alia kona-ba dezafiu iha buat barak, dezafiu ne'e mak servisu ne'e rasik, tanba tipu no modelu krime ne'ebé iha era modernizasauna la'ós buat ida fasil, entaun dezafiu boot iha era modernizaun ne'e polísia tenke kontinua antisipa ida ne'e para bele hatene atua”, hatete nia.

Maibé Komandu Jerál mós preokupa kona-ba indetidade (ID) falsu sira ne’eb’e mosu iha mídia sosiál, tanba bele hamosu instabilidade iha rai laran.

“Se ita laiha ekipamentu sufisiente, ita laiha meius atu deteta no kombate ida ne'e, ida ne'e mak sai ezekusaun ida”, haktenik nia. (*)