Print this page

Falur ho Lú Olo Diskute Enkuadramentu Legál Komponente Tolu iha F-FDTL

Xefe Estadu Maiór FALINTIL-Forsa Defeza Timor Leste (F-FDTL), Tenente Jenerál Domingos Raul ‘Falur Rate Laek’. Xefe Estadu Maiór FALINTIL-Forsa Defeza Timor Leste (F-FDTL), Tenente Jenerál Domingos Raul ‘Falur Rate Laek’. Foto Tempo Timor

Tempotimor (Dili)-Xefe Estadu Maiór FALINTIL-Forsa Defeza Timor Leste (F-FDTL), Tenente Jenerál Domingos Raul ‘Falur Rate Laek’ ho Prezidente Repúblika (PR), Francisco Guterres 'Lú Olo' diskute enkuadramentu legál komponente tolu (3) hanesan Terrestre, Naval no Aeru, iha Instituisaun F-FDTL.

“Ha'u-nia diretiva inisiál atu ba komponente sira tuir estatutu foun ne'ebé aprova ona katak agora ita reduz ba komponente tolu, entaun iha nesesidade atu halo enkuadramentu legál ba komponente aero, terrestre, navál no nesesidade ida fó ha'u-nia diretiva inisiál atu halo planeamentu atu reajustamentu estrutural iha komponente tolu ne'e”, dehan Falur Rate Laek hafoin hasoru ho PR Lú Olo iha Palasiu Prezidensiál Bairupite, Kuarta (23/03).

Entretantu, iha enkontru ne'e Prezidente Repúblika, Francisco Guterres 'Lú Olo' sempre hatete, mantein forsa sira ne'e disiplina, atividade diária ne'e tenke hala'o nafatin normál, servisu tuir diretiva polítika haruka ba, depois diretiva Komandu nian.

“Iha terenu ne'ebá mak uza kilat la'o tun la'o sa'e karik, tenke uza tuir regra empeñamentu arma, la'ós la'o lemo tiha de'it fali ne'ebá laiha nesesidade la'o tun sa'e ne'ebá, sira ne'ebé viola regra sira ne'e halo prosesu administrasaun ba sira atu hola sansaun kastigu ba sira”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items