“Rekruta ne'e define tiha ona iha dekretu lei, katak tenke rekruta kontinua, soke falta de tempu ne'e bazea mós ba orsamentu anual ne'ebé deside, ne'ebé orsamentu ne'e baihira mak hahú, komesa atu implementa gastu, iha ne'e mak ita mós enkaixa ba rekrutamentu iha ne'e”, dehan Tenente Jenerál Falur hafoin hasoru malu ho PR Lú Olo iha Palasíu Prezidensiál Bairopite, kuarta (23/03).

Maibé emprinsipiu halo iha fulan-agostu ne'e no dadauk ne'e parte tékniku halo hela investigasaun ba ema sira ne'e, hili ema sira ne'e, selesiona ema sira ne'ebé uluk hatama tiha ona dokumentu, aplikasaun mai ne'ebé sira laliu.

“Horibainhira ne'e sira apuradu ne'e 70 ital. 70 ital ne'e eskolla direta, depois hili tan fali sira-nia klasifikasaun ne'ebé dokumentu ida uluk tau ba primeiru, segundu, terseiru orden ne'e foti tan fali ne'e para haree, depois mak haree tok, tenke ba tan fali atestadu ida médiku, se akuzadu katak nia moras taun la bele, tinan liu ona kritériu sira ne'ebé define, taun ita tenke ajusta fali iha ne'ebá, ne'ebé ne'e parte téknika de'it”, esplika Falur.

Ba rekrutamentu sira sei reforsa tan efetivu sira atu ba apoiu operasionál aeru sira tuir Estudu sientifiku ne'ebé uluk halo iha tinan 2012 ema peritu sira mai husi Portugal.

“Treinamentu ne'e kontinua, mesmu sira ba hasai tiha ba aviasaun sivíl nian,  iha aeronave sivil iha Filipina, mais nesesidade tenke hamoris nafatin karta aviasaun nian, pilotu nian, buat sira ne'e hotu ho lisensa oioin ne'ebé sira foti, sela’e ne'e sira ne'e mate, mas ida ne'e ha'u la bele deside, ha'u sei hatama proposta ba Governu, para Governu mak haree, sa tipu aviaun mak sei sosa, taun ita tenke investe ita-nia ema ne'e ba, se sira sosa elikoptru, taun ita tenke haruka ita-nia ema ne'e ba formasaun ne'ebé prepara buat ruma”, haktuir nia.

Tanba ne’e, sosa aviaun ida atu sira ba treinu depois sira tenke ba kaer elikoptru, mais enprinsipiu depois de tinan 5 iha ema nia rai sira la kaer aviaun ne'e kedas, sira mai hanesan ho pilotu mai opera iha Timor depois tinan ida filafali ba mak, nia mai fali ne'e nia sai politu no depois asume papel hanesan komandante forsa aero, planu ne'ebé iha mak ida ne'e maibé desizaun polítika la'ós Xefe Estadu Maior Jenerál Forsa-Falintil Defeza Timor-Leste.

“Tuir desizaun sira ne'ebé agora halo inisiativa ami propoin para halo desizaun polítika, neste kazu governu, estadu halo desizaun polítika atu organiza oinsá”, katak Tenente Jenerál Falur. (*)