Login to your account

Username *
Password *
Remember Me

PNTL Konsege Detein Ema Na’in-28 Durate Eleisaun Prezidensiál

Xefe Departamentu Relasaun Públika Polísia Nasionál Timor-Leste (PNTL), Superintendente Xefe Armando Monteiro. Xefe Departamentu Relasaun Públika Polísia Nasionál Timor-Leste (PNTL), Superintendente Xefe Armando Monteiro. Foto Tempo Timor

Tempotimor (Dili)-Xefe Departamentu Relasaun Públika Polísia Nasionál Timor-Leste (PNTL), Superintendente Xefe Armando Monteiro hatete, PNTL konsege detein ema na’in-28 iha sela detensaun, durante eleisaun prezidensiál ne’ebé hala’o iha loron sábadu (19/03).

“Ema na'in-28 ne'e kompostu husi krime eleitorál tolu iha Baukau no 25 iha Dili”, informa Superintentedente Xefe Armando, iha Kuartel Jerál PNTL, Kaikoli, segunda (21/03).

Tanba iha semana datoluk, no eleisaun prezidensiál 2022 Komandu Jerál PNTL konsege rejistu insedente hamutuk 52.

Husi kazu insidente 52 ida ne'e, iha kazu espesifiku 5 mak ligadu ho krime eleitorál, ida akontese iha Kaisidu-Baukau, no haat iha Dili, INAP, Fomentu II, Manleuana, no Bekora.

“Husi kazu espesifiku ne'ebé mak komandu PNTL rejistu, dadaun ne'e hothotu iha ona prosesu investigasaun nian laran, no komandu PNTL komunika ona Ministériu Públiku, no tempu badak sei aprezenta”, haktenik nia.

Husi kazu sira ne’e, PNTL mós detein suspeitu na’in-3 iha sela detensaun Baukau, no iha sela detensaun munisípiu Dili hamutuk 25, ho evidénsia hanesan motorizada hamutuk 5 no karreta 3 ne’ebé mak suspeitu utiliza hodi halo ofensa integridade fizika, simples, danu agravadu, no krime eleitorál sira seluk, hanesan perturbansia iha krime eleitorál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2023 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter