“Husi asidente trafégu hirak ne’e ita rejista ema na’in-tolu lakon vida, na’in 9 kanek grave no na’in 38 kanek kaman ida ne’e mak durante loron 20 nia laran akontese iha Timor-Leste”, dehan Portavoz Komandu Jerál PNTL, Superintentedente Xefe Armando Monteiro, iha kuartel Jerál PNTL, Kaikoli, segunda (21/03).
Asidente Trafégu ne’e akontese kauza husi motorizada ho karreta soke malu, tanba lakon kontrolu husi sidadaun sira iha estrada publiku, bainhira konduz transporte, tanba ne’e ikus mai akontese asidente hodi rezulta vítima hamutuk 50.
Antes ne’e, Komandu Jerál PNTL rasik rejista uluk ona asidente trafégu iha semana dahuluk fulan-marsu husi loron 02 to’o 13, iha kazu ema na’in-tolu lakon vida.
Ddurante semana ida PNTL rejista asidente trafégu tolu iha Munisípiu Dili ho Aileu rezulta na’in-tolu lakon vida.
Iha asidente trafégu ba seman dahuluk ne’e, komandu PNTL mós lakon membru polísia di’ak ida husi asidente ne’e, tanba tinan 22 dedika-an hodi servi ba povu no nasaun liuhusi seguransa iha tribunál Dili. (*)
