Kordenadór reprezentasaun teritórial FPI Baukau, Pascoal Afonso Belo, hatete, ai-sunu ne'ebé prende, karreta-ida liuhusi Minisitéir Públiku (MP) hato'o ona ba Tribunál Distritál Baukau (TDB) hodi hein prosesu, enkuantu ida seluk, sei hein Polísia Nasionál Timor-Leste (PNTL) Baukau hodi aprezenta ba MP.
"Prende ai ret-2 ne'e, ita ko'alia tuir tekníku karik estapel-8," dehan nia iha kna'ar fatin vila nova, tersa (15/03).
Ai-sunu komunidade tesi atu fa’an ne’e, husi diresaun Postu Adminisitrativu Vemase nian, ne’ebé laiha dokumentus legál husi Floresta Planatasaun Indústria Baukau, tanba ne'e liuhusi prende hanesan meius ida atu eduka komunidade hodi prevene tesi ai sein dokumentus legál.
"Ai-sunu ne'ebé foin dadauk prende ne'e, balun aikakeu, aibubur, kahur malu de'it balun matak balun maran," nia hatete
Bainhira nafatin tesi ai no sunu rai arbiru, sei fó impaktu ba bee matan maran, rai monu, udan been menus, inklui halo klima manas liután.
Iha ona dekretu lei Nu.14/2017, ne’ebé ko'alia kona-ba rezime jerál atu prevene tesi ai no sunu rai arbiru no regulamentu Untaet Nu.17 bandu atu tesi ai no sunu rai arbiru, maibé konunidade laiha konsiensia nafatin sunu rai no tesi ai arbiru.
"Bele tesi, maibé tuir dalan legál para ita bele kontrola hotu, se tesi atu uza ba (tein) han nian, futun ida rua ne'e bele, maibé tesi ai ho truk boot atu fa’an, se bele tuir prosedur legál para selu netik taxa ba estadu, para dezenvolve nafatin refloresta," nia dehan
Entertantu guarda floresta iha Munísipiu Baukau hamutuk na'in-7 destaka na'in-ida kada postu Adminisitrativu Baukau Vila, Baguia, Laga, Kelikai, Venilale no Vemase. (*)