"Asidente ohin besik mundu perdidu ne'e, karreta tula semente diresaun Baukau Vikeke nian mak baku fila," dehan Xefe Suku Ossu de Cima, Celetino Monteiro de Carvalho, via telefone ba www.tempotimor.com, domingu (13/03).

Ema na'in-3 mak iha karreta laran, maibé la rezulta kanek no mate.

"Ema na'in-3 mak iha laran, maibé sira tuun tiha mak karreta ne'e baku fila, tanba nia hola sala dalan ba liu estrada ninin ne'e mak roda tun ba rai naruk ne'ebé baku fila," nia hatete

Hafoin akontese Xefe Suku Ossu de Cima kontaktu kedas parte segúransa Polísia Nasionál Timor-Leste (PNTL) eskuadra Postu Ossu hodi haree asidente hodi halo invertigasaun.

"Karreta ne'e nia tula semente tonelada 20 ba leten, ida tenki boot ne'e," nia hatete

Nune'e, membru Polísia Nasionál Timor-Leste (PNTL) husi eskuadra Postu Ossu ida, hatete, asidente karreta tanki tula semente tonelada 25,  baku fila iha área Suku Ossu de Cima pur-volta tuku 10:09.

"Ema la mate la kanek, só karreta mak baku fila iha ne'eba, tanba problema dalan, semente todan karreta halis rai mamar mak nia baku fila," nia hatete (*)