Print this page

PNTL Baukau Preokupa Karreta Operasaun Avária

Komandante PNTL Munisípiu Baukau, Superintentedente Antonio Maria de Sá. Komandante PNTL Munisípiu Baukau, Superintentedente Antonio Maria de Sá. Foto Suplay

Tempotimor (Dili)-Komandu Polísia Nasionál Timor-Leste (PNTL) Munisípiu Baukau preokupa kondidasaun transporte operasaun ne’ebé apoiu husi Komandu Jerál PNTL avaria hodi difikulta servisu iha kampaña eleitorál.

Komandante PNTL Munisípiu Baukau, Superintentedente Antonio Maria de Sá hatete, karreta ne’ebé apoiu husi Komandu Jerál PNTL kondisaun la di’ak hodi difikulta servisu Polísia iha terenu.

 “Karreta ne’ebé mak komandu jerál PNTL apoiu ba ami hamutuk karreta tolu, maibé kondisaun ladi’ak hotu, tanba travaun ladi’ak, ida ne’e sai problema ba ami atu kobre operasaun iha área juridiku Munisipiu Baukau”, dehan António, liuhusi telefone, kuarta (09/03).

Maske tranporte operasun tolu ne’ebé apoiu husi Komandu Jerál PNTL hetan avaria hotu hodi difikulta servisu operasaun, maibé PNTL Baukau nafatin hala'o servisu hodi garante seguransa ba atividade kampaña eleitorál iha Munisípiu Baukau. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items