“Iha insidente ne'e, ita rejista vítima na’in-14 no kaptura suspeitu na’in-7 hodi aprezenta ba Ministériu Públiku atu foti desizaun aplika termu identidade rezidénsia (TIR) ba sira”, dehan Komandante PNTL Munisípiu Baukau, Superintentedente Antonio Maria de Sá, liuhusi telefone, kuarta (09/03).
Maske iha loron 06 marsu akontese insidente, apoiante ho simpatizante sira asaltu malu hodi tuda malu, no rezulta uma rental ida rahun, motorizada rua hetan estragu inklui ema na’in-14 sai vítima, maibé situasuan atual iha Baukau dadaun ne’e la’o normál no kontroladu.
Tuir kalenedáriu husi CNE, partidu FRETILIN iha loron 12 marsu sei halo kampaña iha Munisípiu Baukau, komadante Antonio afirma, polísia sei garante seguransa, maibé husu ba kandidatu ho ekipa susesu tenke koopera ho PNTL hodi evita insidente.
“Ami iha rekursu atu halo seguransa ba kampaña, maibé ami husu kandidatu ho ekipa susesu sira tenke koopera di'ak ho ami, bainhira situasaun krime saida de’it mak akontese ami sei la tolera ba aktu krime saida de’it mak sei akontese”, afirma nia. (*)