"Suspeitu ba insidente foin lalais ne'e, ita liu-liu parte venilale ita kaptura ona na'in-7 halo ona identifikasaun, parte vila antiga nian ita kontinua identifika kordenasaun sira kolabora ona la kleur foti hotu sira para submete ba investigasaun," dehan Komadante Komandu PNTL Munisípiu Baukau, Superintendente António De Sá, iha kna'ar fatin, tersa (08/03).
PNTL Baukau halo kapturasaun ba suspeitu na'in-7 iha nia rezidénsia venilale, (horseik) loron 7 fulan-marsu tinan-2022 pur-volta tuku 12:00 oras timor-leste (otl).
Hafoin kapturasaun, submete ona ba prosesu investigasaun no kontinua buka tuir autór konfrontasaun iha vila antiga, nune'e aprezentasaun dala ida iha Ministéiru Públiku Baukau.
"Agora dadaun sira ne'ebé ita kaptura ne'e, aplika hela TIR ba sira, hafoin ita kaptura hotu ona, ita sei aprezenta dala ida ba iha Ministéiru Públiku," nia afirma
Tanba, konfrontasaun tuda ema, kontra ona lei eleitóral, kampaña, lei armas brankas komete mós desordem Públika, tuir kodigu penál suspeitu hirak ne'e, krime desobedensia.
"Prosesu investigasaun agora la'o hela, husi parte Polísia produs liután evidensia sira aprofunda liután investigasaun para hatene nia motivu," nia akresenta
Asaun ne'ebé akontese iha Venilale, rezulta membru PNTL ida nia uma no sasan balun hetan estragus no ema na'in 10 hetan kanek, na'in-9 kaman, enkuantu na'in-ida hetan kanek grave ne’ebé dadaun halo hela trafamentu iha Ospitál Nasionál Guidu Valadares (HNGV-sigla portugues).
"Evidensia mak hanesan uma estragus, karreta, inklui ema na'in-10 hetan kanek, ne'e iha indisius makas, ne'ebé agora ita deskomfia hela," nia hatete
Indisius ne'e mosu, deskonfia involvementu husi grupu artemarsial.
Entertantu suspeitu na'in-7 ne'e husi Munísipiu Baukau, Postu Adminisitrativu Venilale, Suku Umanaulo no Bahamori, ne’ebé ho inisiál hanesan, TMS idade-21, RP idade-20, BDS idade-19, AF idade-20, NFB idade-47, JCB idade-22 no JAD idade-50.
Insidente ne'e, akontese iha loron 06 fulan-marsu tinan 2022, hafoin kandidatu Armanda Berta hala'o kampña eleitoral iha Baukau. (*)