Print this page

PNTL Detein Timoroan Na’in-2 Na’ok Sasán Xineza iha Kolmera

Sidadaun Timoroan na’in-2 (rua) ho inisiál, SC ho CD, ne’ebé PNTL detein hela iha sela PNTL, Kaikoli. Sidadaun Timoroan na’in-2 (rua) ho inisiál, SC ho CD, ne’ebé PNTL detein hela iha sela PNTL, Kaikoli. Foto Tempo Timor

Tempotimor (Dili)-Komandu Polísia Nasionál Timor-Leste (PNTL) munisípiu Dili detein sidadaun Timoroan na’in-2 (rua) ho inisiál, SC ho CD, tanba nesessidade obriga sira, hodi ba na’ok sasán iha loja área Kolmera.

“Iha dia 6 de marsu, iha tuku 10 loron, iha sidadaun Timoroan na’in-2, ho inisiál SC ho CD, tama iha loza Xina nia ida iha área Kolmera nia hodi n’aok sidadaun chineza ida nia sasán, tanba dehan ema la haree, entaun iha fali oras kalan sira kontinua fali ba na’ok iha tuku 12, iha fatin ne'ebé hanesan”, dehan Henrique iha komandu munisípiu Dili, Kaikoli, tersa (08/03).

Nune'e loja na’in kaer no informa ba PNTL, no haruka ekipa patrollamentu sira ba foti suspeitu iha fatin akontesimentu mai iha eskuadra Vera Krus.

Suspeitu sira dadaun ne'e iha hela sela detensaun komandu Munisípiu Dili ninia, hodi kumpri 72 oras ninia, nune'e bele aprezenta ba Ministériu Públiku hodi prosesa tuir númeru prosesu,02/23 susesaun verakru 2022.

Evidénsia ne'ebé suspeitu sira foti mak hanesan, televizaun marka Politron 24 inch iha lima, teleivizaun modelu Xina nian iha 62 inz ida, AC modelu panasonik 1,5 Pk hamutuk lima, meziña uza vidru ida, Kadeira badak sanulu-resin-ualo, kadeira besi sadere tolu, Sanyo bee nian ida osan koin Xina nian hamutuk $300.00, fugaun hamanas hahán ida, Buli blender aifuan nia ida, mákina prosesu kafe hemu ida.

Entretantu evidénsia sira ne'e, ekipa investigasaun verakru ba foti iha fatin ne'ebé suspeitu sira rai ba, no evidénsia sira ne'e rai hamutuk hela iha Komandu Munisípiu Dili hodi bele aprezenta hamutuk ba Ministériu Públiku ho suspeitu sira. (*)

Rate this item
(0 votes)
Last modified on Tuesday, 08 March 2022 15:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items