Login to your account

Username *
Password *
Remember Me

PNTL Seidauk Identifika Suspeitu Prinsial ba Kazu Elemloi

Xefe Departementu Relasaun Públiku Komandu Jerál Polísia Nasionál Timor-Leste (PNTL), Superintendente Xefe Armando Monteiro. Xefe Departementu Relasaun Públiku Komandu Jerál Polísia Nasionál Timor-Leste (PNTL), Superintendente Xefe Armando Monteiro. Foto Suplay

Tempotimor (Dili)-Xefe Departementu Relasaun Públiku Komandu Jerál Polísia Nasionál Timor-Leste (PNTL), Superintendente Xefe Armando Monteiro informa, Kazu omesidiu ne’ebe hakotu matebian Antonio de Jesus, iha área Elemloi, aldeia Delta 3, Suku Komoro, Postu Administrativu Dom Aleixo, Munisípiu Dili, segunda (07/02) tuku 3:00 madrugda, kazu ne’e sei iha hela prosesu investigasaun no seidauk identifika suspeitu prinsipal.

“Kazu Elemloi sei iha prosesu hela. Parte intelejénsia, sei kontinua nafatin kolekta informsaun, tantu mós iha lokál krime husi komunidade ne’ebé mak hela iha área ne’eba, atubele kolabora no fó informsaun lolos, hodi nune’e ita bele identifika lalais autór ne’ebé deskonfia halakon ita-nian sidadaun Antonio de Jesus nia vida”, dehan Komandate Armando Monteiro, iha Kuartel Jerál PNTL, Kaikoli, segunda (07/03).

Ba kazu ne’e rasik, maske fulan-ida ona, maibé PNTL seidauk ema ida hanesan suspeitu prinsipál, tanba ne’e sei kontinua prosesu investigasaun.

“Ita seidauk detein suspeitu prinsipal ba kazu ne’e, ita sei kontinua hela buka tuir autór ne’ebé mak halo ita-nia sidadaun nia vida lakon iha Elemloi”, afirma nia.

Ba kazu refere antes ne’e PNTL halo ona identifikasaun ba ema na’in-11, hodi dezenvolve hanesan informasaun hodi buka tan informasaun balun kompleta atubele identifika lalais autór prinsipál.

Enkuantu kona-ba kazu Bebonuk, ne’ebé deskonfia Levi Gomes oho-aan iha Fahi Luhan iha loron 8 fulan-fevereiru, iha ona prosesu nia laran, maibé seidauk bele fó sai, tanba tribunál mak bele deklara.

“Ha’u hanoin kazu rua ida Elemloi no Bebonuk ne’e hanesan iha ona prosesu nia laran. Rezultadu otopsia ba ema na’in-rua ne’e, ida ne’e segredu husi prosesu ninian. So iha tribunál mak bele hatene no lee sai kona-ba rezultadu ida ne’e. PNTL so kompleta dokumentu ba prosesuál de’it”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter