Komadante Komandu PNTL Munisípiu Baukau, Superintendente António De Sá, hatete, kazu ne’e submete ona ba prosesu legal.
"Kazu sira ita submete ona, ita nafatin halo investigasaun, ita kontinua nafatin identifika autór sira, halo kapturasaun ba sira submete ba prosesu lei, tuir asaun krime ne'ebé sira involve," dehan nia iha kna'ar fatin vila nova, segunda (07/03).
Husi estragus komunidade nia rental inklui motor-2, ékipa susesu no kordenadór partidu Fretilin Baukau, to'o fatin akontesementu, hodi promete ba vítima atu responsabiliza.
"Ita enkontru ho ékipa susesu sira ho parte CNE para ita identifika sira ne'ebé sai autór prontu kontinua submete ba investigasaun," nia hatete
Tanba, hafoin militantes partidu Khunto fila husi fatin kampaña ba Postu Adminisitrativu Venilale, iha área Berkoli, tuda husi ema deskoiñesidu rezulta ema na'in-9 hetan kanek kaman, no na'in-ida (Mane) grave iha parte ulun, inklui membru PNTL ida nia uma hetan estragus.
Nune'e mós militantes husi Postu Kelikai, bainhira fila husi fatin kampaña tuir dalan ema deskoiñesidu tuda, rezulta na'in-3 hetan kanek no karreta bus ida hetan estrgus iha parte vidru.
"Kazu iha Berkoli, husi partidu Khunto nian sira halo tiha kampaña fila ba venilale, hetan tuda husi ema deskoiñesidu, sira hamutuk na'in-10 balun hetan kanek kaman, na'in-ida mak kanek seriu oituan halo tratamentu iha klinika venilale nian, iha Kelikai na'in-3, mais ne'e kanek kaman," nia informa
Esforsu preventivu dala barak PNTL Baukau servisu hamutuk ho parte CNE, veteranu, inklui ékipa susesu sira ne'ebé destaka iha Baukau asina ona paktu segúransa, hodi garante paz iha festa demokrasia.
"Ita enkontru asina partu segúransa, iha pontu haat ne'ebé mak fundamentu ba ita, mais felizmente ikus mai la kumpre,"nia argumenta
Iha loron 06 fulan-marsu tinan 2022, akontese konfrontasaun husi parte apoiante KHUNTO no FRETILIN iha vila antiga, Munisípiu Baukau, ne’ebé rezulta negosiante na'in-2 nian sasan no motor ida hetan estragus.
Hafoin akontesimentu, vítima na'in-3 keixa ona aktus ne'e ba Komisaun Nasionál Eleisaun (CNE-sigla portugues) Baukau.
"Vítima na'in-3, ida nia rental mak grave, tanba vidru monu tun hotu, ida fali nia motor aat hotu, señora ida fali, sira tuda tama fatuk ba laran nia hetan kanek, mak sira mai iha ne'e keixa ba Komisaun Nasionál Elisoens Baukau," dehan Diretór Komisaun Nasionál Eleisaun (CNE‐sigla portugues) Baukau, Esmeraldo Damião Belo, iha kna'ar fatin vila nova.
Nune’e, keixa husi vítima na'in-3, halo kedas formuláriu keixa reklamasaun atu diriji ba CNE nasionál hodi hein prosesu. (*)
