Login to your account

Username *
Password *
Remember Me

Kazu Sona Membru Foun F-FDTL, PNTL Investiga Hela Suspeitu

Membru F-FDTL ne’ebé hetan sona iha área Suku Kuluhun, Postu Administrativu Kristu Rei, sábadu (05/03). Membru F-FDTL ne’ebé hetan sona iha área Suku Kuluhun, Postu Administrativu Kristu Rei, sábadu (05/03). Foto Suplay

Tempotimor (Dili)-Membru FALINTIL-Forsa Defeza Timor-Leste (F-FDTL), Francisco P.de Araújo, ne'ebé hetan sona husi suspeitu na’in-5 iha sábadu madrugada tuku 04:00, iha área Suku Kuluhun, Postu Administrativu Kristu Rei, dadaun ne'e Polísia Nasionál Servisu Investigasaun Kriminál (PNSIK) halo ona prosesa investigasaun ba suspeitu sira.

Iha akontesimentu Membru foun F-FDTL ne'e hetan sona iha parte hirus matan, kabun parte liman karuk nia no kanek rua iha liman sorin los.

Aktu vionlentu ne’e mosu bainhira membru foun F-FDTL ne'e hemu tua hamutuk ho nia kolega sira iha mini-bar Kuluhun nia.

Maibé objetivu husi akontesimentu ne'e seidauk hatene los tanba sei iha prosesu investigasaun.

Komandante Poíisia Nasionál Timor-Leste (PNTL), Munisípiu Dili, Superintendente Xefe Henrique da Costa informa, depois de akontesimentu Polísia kaptura ema na’in-lima hodi halo identifiksaun.

“Depois de incidente, patrolla Nain Feto, Servisu intelijensia Polísia (SIP), J2 halo passa revista, ema sira iha ne’ebá hodi hetan ema na’in-5 ne'ebé hamutuk hela, feto 3 mane 2. Hetan iha pasta laran sasán hanesan tudik ida, rama ambon oan 3, ho fiska tiru ida”, dehan komadante Henrique, liuhusi WhatsApp, domingu (06/03).

Iha sorin seluk, Superientendente Polisia, José Maria Neto Mok hatete, kazu sona membru F-FDTL, tama ona ba prosesu investigasaun, dadaun ne’e PNSIK identifika ona suspeitu na’in-ida mak deskonfia envolve ba kazu ne’e rasik.

“Kronlojia ba kazu ne’e rasik, sei iha hela investigasaun nia laran, kazu ne’e ami mak kaer. Horisehik ema na’in-lima ne’ebé deskonfia envolve iha ba kazu ne’e rasik polísia lori mai ona ami-nia fatin. Agora dadauk ami halo hela identifiksaun. Iha ida de’it mak ita deskonfia hanesan suspeitu ba kazu ne’e”, esplika nia.

Ba suspeitu prinsipál na’n-ida ne’ebé deskonfia halo asaun iha akontesimentu ne’e, naran inisiál ETF. (*)

Rate this item
(0 votes)
Last modified on Sunday, 06 March 2022 13:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter