Login to your account

Username *
Password *
Remember Me

Karreta Truk Baku Fila iha Laivai Rezulta Apoiante Kandidatu Lere ida Mate

Membru bombeirus ho PNTL hiit hela matebian ne’ebé rezulta husi asidente Karreta Truk baku fila iha Laivai. Membru bombeirus ho PNTL hiit hela matebian ne’ebé rezulta husi asidente Karreta Truk baku fila iha Laivai. Foto Suplay

Tempotimor (Baukau)-Insidente karreta truk ho sapa matrikula 60.071, ne’ebé transporta apoiante kandidatu Prezidente Repúblika (PR) períodu 2022-2027, Lere Anan Timur, taka fila iha área Laivai, Postu Administrativu Lautein, rezulta ema na’in-ida mate no 3 kanek.

Akontesimentu ne’e, iha Aldeia Tubaliu, Suku Ililai, Postu Administrativu Lautein, Munisípiu Lautein, loron 04 fulan-marsu tinan-2022, kuaze tuku 10:30 (kalan).

Komadante Komandu Polísia Nasionál Timor-Leste (PNTL) Munisípiu Lautein, António Rego Fernandes haktuir, sidadaun sira ho karreta truk husi diresaun Laivai atu simu kandidatu Prezidente da Repúblika, Lere Anan Timur iha fronteira entre Munisípiu Baukau no Lautein, maibé simu tiha kandidatu fila hikas ba uma, hetan asidente.

"Ema na'in-ida mate fatin ne'e mane, na'in-3 kanek kaman hodi kalan kedas sira hetan trantamentu, ida mate ne'e, iha liu karreta okos, entaun hasai mós labele, hodi kalan tenta ohin dader tuku 05:00 madrugada foin hasai mate isin”, dehan Superintende António Rego Fernandes, ba www.tempotimor.com liuhusi telefone, sábadu (05/03).

Hafoin asidente, evakua kedas vítima sira ne'ebé hetan kanek inklui kundotór ba Ospitál hodi halo trantamentu.

Motorista no matebian iha relasaun família, nune'e parte família husi matebian hato'o ba PNTL Munisípiu Lautein atu rezolve tuir família, maibé parte seguransa nafatin halo prosesu hodi hein desizaun.

"Família balun mai deklara asidente ne'e, sira la tau kestaun ba oin, maibé iha lei ne'e ita nafatin prosesu ba oin”, hatete nia.

Enkuantu informasaun husi tereñu parte seksaun tránzitu relata ba Komadante PNTL Lautein sidadaun ne'ebé iha karreta laran hetan asidente hamutuk tolunulu-resin.

Iha área ne’ebé vítima sira hetan asidente ne’e, dalan subida tun de’it no foin fui ho simente, tanba ne’e kondutór parese lakon kontrolu mak mosu asidente ne’ebé halakon ema nia vida.

“Kondutor ha’u hanoin nia parese nia lakon kontrolu ba travaun, entaun akontese asidente ne’e. Maibé parte polísia agora dadaun sei halo hela investigasaun ba kazu ne’e, atu hatene lolos motivu lolos husi akontesimentu ne’e rasik”, dehan nia. (*)

Rate this item
(0 votes)
Last modified on Saturday, 05 March 2022 14:48
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2025 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28    

Tempo Timor Networks

Online Counter