Komadante Komandu PNTL Munisípiu Baukau, Superintendente António De Sá, hatete, baihira, labaraik ki’ik partisipa atividade kampaña mak, membru PNTL sei haruka fila hotu

Tanba, tuir lei Komisaun Nasionál Eleisaun (CNE-sigla portugues) bandu labarik idade-17 mai kraik involve iha partidus polítikus sira halo kampañia.

"Ne'e akontese, ativa kedas akordu sira ne'ebé halo, oinsá K3 (Komunikasaun, Kordenasaun no Kolaborasaun) funsiona no membru sira iha tereñu atua kedas labarik sira fila, kampañia ba sira otas ne'ebé lei preve regula mak tuir," dehan nia iha kna'ar fatin, kinta (03/03).

Bainhira mosu akontesementu ruma iha prosesu kampañia to'o rezultadu final, parte seguránsa iha tereñu atu halo prevensaun no prosesu tuir lei.

Tanba, reprezentante kandidatura na'in-16 ne'ebé destaka iha Baukau, asina paktu seguránsa ho Autoridade seguránsa PNTL Baukau, iha loron 25 fulan-fevereiru tinan 2022 atu garante estabilidade iha festa demokrasia.

Husu militantes no simpatizantes husi partidus polítikus husi kandidatu partidu no independente atu iha protidaun espiritu kolaborativu utiliza paktus seguránsa ne'ebé asina ona.

"Tanba ne'e, nafatin iha komitmentu kumpri nafatin pontus haat asina tiha ona iha paktu seguránsa para buat ruma mosu iha internamentu mobilizasaun masa husi atividade kampañia prontu kontaktu kedan para seguránsa atua," nia hatete

Nune'e, Diretór CNE Baukau, Esmeraldo Damião Belo, afirma, asina ona paktu seguránsa ho reprezentante kandidatu na'in-16 iha Baukau, ne’ebé sei la involve labarik inosente iha tempu kampañia.

"Maibé, ita hotu nia supervizaun mak haree, karik ida ne'e mak iha, tempu tuir mai ita sei enkontru komunika ba malu atu bele asegura ba buat ne'ebé ita hotu la hakarak," nia akresenta

Entertantu, atividade kampañia ba loron 03 fulan-marsu tinan-2022 iha Munisípiu Baukau, husi kandidatu Maria Angela Freitas da Silva, José Ramos Horta, Martinho Germano da Silva Gusmão no Isabel da Costa Ferreira. (*)