Login to your account

Username *
Password *
Remember Me
Tempotimor (Díli) – Embaixadór Repúblika Indonézia iha Timor-Leste, Sahat Sitorus kongratula FALINTIL ne'ebé, Tersa (20/08/19) komemora tinan ba dala 44.
 
"Ha'u kongratula Forsa Timor-Leste nian. Di'ak liután. Di'ak iha saúde, ekipamentus mós  di'ak, inklui hetan atensaun husi Governu hodi asegura Timor-Leste,” hatete Embaixadór  Sitorus iha Aniversariu FALINTIL iha Kuartél Jenerál F-FDTL, Fatuhada, Díli, Tersa (20/08/19).
 
Embaixadór Sitorus dehan, presiza kooperasaun ne'ebé di'ak liután entre forsa Timor-Leste ho forsa Indonézia. "Hadi’a liután koordenasaun forsa seguransa sira iha fronteira, hanesan F-FDTL no Tentara Nasionál Indonézia (TNI). Tanba atu di'ak-liu, F-FDTL mak kaer seguransa iha fronteira," espera embaixadór ne'e. 
 
Ne'e sublina, F-FDTL nia kualidade di'ak no preparadu. Maibé, presiza rekruta aumenta tan para halo seguransa ba Timor-Leste iha área fronteira tasi no rai maran nian.

Tempotimor (Dili) – Relasional ho preokupasaun públiku nian ba lider nasionál sira ne'ebé to'o oras ne'e kontinua dook malu, eis Prezidente RAEOA-ZEESM Mari Alkatiri dehan, lider sira hamutuk hela iha Timor-Leste.

Tempotimor (Dili) – Eis komandate en Xefe das FALINTIL, Kay Rala Xanana Gusmão, la Marka prezensa iha Komemorasaun loron FALINTIL ba dala 44 tinan ida ne'e.
Tempotimor (Díli) – Ekipa husi Sekretáriu Estadu Formasaun Profisionál no Empregu (SEFOPE), Segunda (19/08/19) aprezenta dezeñu ka modelu Sentru Formasaun (SF) ho kualifikasaun internasionál ba Primeiru Ministru Taur Matan Ruak iha Palásiu Governu.
Tempotimor (Díli) – Ikus ne'e, mosu perspetiva iha komunidade leet katak Prezidente Repúblika (PR), Francisco Guterres Lú Olo tenta atu trava seremonia troka nota diplomasia kona-ba tratadu foun Fronteira Maritima (FM) entre Timor-Leste ho Austrália ne'ebé medita sei halo iha loron 30 Agusto 2019.
Tempotimor (Díli) – Hafoin Tribunál Rekursu (TR) deside Dekretu Parlamentu Nasionál Númeru 6/V (Primeira Alterasaun Lei Número 3/2014, 18 Juñu) kona-ba  Lei Rejiaun Administrativa Espesiál Oe-Kusi, Ambeno (RAEOA) konstitusionál, iha loron 15 fulan agustu, Prezidente Repúblika promulga lei ZEESM maibe kontinua haruka tan pakote lei seluk, ne’ebé ligadu ba tratadu foun Fronteira Maritima (FM) ba Tribunál Rekursu hodi husu fiskalizasaun preventiva maske parte governu fo sai ona katak iha loron 30 fulan ne'e sei iha troka nota diplomatika kona ba akordu Tratadu FM entre Primeiru Ministru Australia ho Primeiru Ministru Timor-Leste iha seremonia aniversariu Referendum ninian ba dala 20 iha Dili.   

Tempotimor (Dili) Tuir Komunikadu de imprensa ne'ebe fo sai husi Prezidente da Republika esplika Iha 14 agustu 2019,  Tribunál Rekursu haruka Akordaun baPrezidente Repúblika  hodi deklara katak la iha inkonstusionalidade ba Primeira Alterasaun ba Lei 3/2014. 

 
Tempotimor (Dili) – Hafoin de fulan lubun ruma Prezidente da Republika Francisco Guterres Lu Olo budu naran ba embaixadores sira iha Palasiu Ai Tarak laran, iha loron 14/08 PR husi Partidu FRETILIN ne'e fo pose ona ba embaixadores nain tolu ne'e tuir fungsionariu iha MNEk ema sira ne'e iha afiliasaun besik liu ba FRETILIN. Primeiru Ministru Taur Matan Ruak hatete, nia sei esforsu an atu haree, hadi'a no resolve kona-ba embaixadór sira seluk, ne'ebé to'o agora seidauk hetan tomada pose husi Prezidente Repúblika (PR).
Tempotimor (Díli) – Tribunál Rekursu (TR), Kuarta (14/08/19) ofisialmente dekreta konstitusionalidade ba Lei kona-ba Rejiaun Administrativa Espesiál Oe-Cusse Ambeno (RAEOA). 
 
Tempotimor (Díli) – Primeiru Ministru, Taur Matan Ruak afirma, Governu Timor-Leste naturalmente lamenta ho prosesu judisariu ba belun di'ak Timor-Leste nian, Witness K no Bernard Coalery ne'ebé la'o hela iha tribunál Austrália.
 
"Ida ne'e prosesu interna. Prosesu justisa iha sira-nia rai. Ita hanesan Governu naturalmente ita lamenta. Mais, ita la mete iha asuntu ida ne'e," deklara PM Taur Matan Ruak iha Palásiu  Prezidensiál Bairru-pite, Kinta (15/08/2019).
 
Maski nune'e, Xefe Negosiadór Prinsipál Fronteira Marítima Xanana Gusmão, eis Prezidente Ramos Horta no sosiedade sivíl hatudu ona sira nia preokupasun kona-ba justisa ne'ebé hasoru Witness K no Colaery. Tanba Australianu nain rua ne'e, defende soberania Timor-Leste.
 
"Oras ne'e, na'in rua iha hela prosesu judisiariu. Ita nia lider nasionál hanesan señor Ramos Horta mós preokupa, Maun boot Xanana Gusmão mós preokupa ba kestaun ne'e. Katak, ema na'in rua ne'e Timor-Leste nia belun boot," dehan ativista husi ONG La'o Hamutuk, Celestino Gusmão  iha Palásiu Prezidensiál, Kinta (08/08/19) semana liubá.
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter